Tałiani xenofobi e rasisti: ancuò co i romeni, doman co i veneti?

Ghe xe diversi modi de vedar i fati che xe drio sucedar a Roma e inte molte parti del stato tałian.

Inte’l mondo ghe xe i oci verti sul conportamento dei tałiani e sui provedimenti del goerno tałian de sti dì.

L’Union Europea gà dito che’l xe legitimo soło se el xe indirisà verso individui e no verso grupi etnici o nasionałi.

I giornałi europei gà scrito diversi articołi sul ris-cio xenofobia e rasixmo in Itałia.

No xe un blog el posto forse ndoe aprofondir tuti sti temi, ma no se pol far manco de notar ła difarensa de conportamento dei veneti in ocaxion dei fati cruenti de Gorgo al Montican e dei tałiani inte sti dì.

L’indignasion qua ła xe stada un mucio granda, ła paura enorme da parte de tuti. Ma da naltri no ghe xe sta i fati de rasixmo avegnui a Roma. Forse deso i vegnarà fora parché i tałiani xe drio montar el cavało del’intołeransa e come savemo i tałiani xe bravi nel manipołar łe robe.

Parò resta el fato che un fato avegnuo in Veneto no gà vuo łe stese reasion inte ła xente nè tanto manco nel goerno tałian.

Dopo sta longa premesa, el me dubio xe: a vedar sta reasion verso i romeni, dovemo forse ver paura anca naltri veneti che un doman podemo ver el steso tratamento xenofobo e rasista da parte dei tałiani?

Gianluca Busato (gianluca.busato@iveneti.org)

written by

The author didn‘t add any Information to his profile yet.
Related Posts

Comments are closed.

Leave a Reply

Want to join the discussion?
Feel free to contribute!