A proposito di ricercatori… #2

Ciao,

In efeti xe un grave problema aumenta’ notevolmente da l’atual crixi finansiaria global.

Ricordo che, vari ani fa, i dipendenti publici in genere i gavea l’obligo de laorar sol che par el Stato (vieta’ el dopio laoro).
A cuel tenpo l inpiego publico el gavea  un salario inferior de cuel privato ma, in canbio, el jera particolarmente SICURO e …POCO INPEGNATIVO (e par molti lo xe anca al di’ de anco’)…. cosi’ sucedea che on mucio de statai i faxea laori in nero (parfin sotuficiai e uficiai militari!).
I Sindacati, senpre forti e unidi  ntel setor publico, co la scuxa de parificar i diriti de i “laoradori” i ga fato aumentar i salari de cuei publici… salvo, nel tempo, NON far aumentar cuei del privato, a cauxa de la “globalisasion” inposta dai poteri finansiari (e da corusion al so interno).
Oviamente , dato el costo aumenta’ de lo Stato, i ga dovesto acetar le privatixasion indiscriminade de industrie publiche (alcune doveroxe, altre no) co la xvendita a pochi skei ai soliti amighi dei amighi.

La situasion odierna xe diventada INACETABILE: a fronte de le dificolta’ par el laoro indipendente causa’ da la crixi e da na intolerabile vesasion fiscal, i dipendenti publici pur avendo i stipendi pi’ alti e pi’ stabilita’ i pol ver el secondo (o terso) laoro… anca in nero!

Cosa far? … xe un descorso che xe difisile e conpleso da frontar in poche righe, se dovese rispondar co na proposta, diria intanto de tornar suito a vietar el dopio laoro ai dipendenti publici (e licensiar suito chi no lo fa), cuindi de permetar la detrasion de insoluti, furti o perdite da la dichiarasion dei rediti ( prevedendo la prexon par i furbi trasgresori).

Parlando pi’ in general, personalmente credo che ogni sistema economico gapie vantagi e xvantagi ma NISUN GA RAXON E NISUN POL FUNSIONAR CORETAMENTE A LUNGO se aplica’ sensa tegner conto de le PECULIARITA” CULTURALI E TERITORIALI LOCALI e adata’ a le circostanse.

In altre parole, ogni Popolo ga da esar lasa’ libaro de interpretar la propia economia secondo le so atitudini (se nialtri semo bravi in serti setori, vardemo de valorixarli), el so teritorio (se clima e teren i xe favorevoli a serte coltivasion vardemo de agevolarli ), le so tradision (par exenpio alimentari: se nialtri ne piaxe polenta, radici e bacala’ con on goto de vin, e li femo ben… altretanto ben ghemo de difendarli da altri foresti… e cosi’ via…

Insoma le altre “inovative teorie economiche” nte la Storia le ga funsiona’ fin che chi le ga adotade/elaborade le ga IMPOSTE co la FORSA de le armi, anca costo anca de na Guera.
E, come la Storia ne insegna, dopo na Guera TUTE le teorie xe bone par ricostruir e star ben… solo PI’ TARDI se vede i guasti.
Infati ghemo visto i guasti del Comunixmo socialista prima, mentre deso semo drio vedar (e sperimentar dal vivo) anca i guasti ireversibili del Capitalixmo finansiario.
In breve, mi no son del parer che i Veneti i gapie da copiar ne’ l’un ne’ l’altro, ma seguir le proprie vocasion antiche e recenti e, COSIENTI DE CUESTO, rendarse “senplicemente” INDIPENDENTI.

Sani!

Fabio Calzavara
Partito Nasional Veneto

written by

The author didn‘t add any Information to his profile yet.
Related Posts

Comments are closed.

Leave a Reply

Want to join the discussion?
Feel free to contribute!