El Montenegro indipendente canpion d’Europa de palanuoto, lesion anca pa el Veneto

Qualo polo esar ancuò el mejo poster par selebrar i vantagi de un Veneto indipendente?

Ghemo sielto un caxo de suceso estero: el Montenegro. El Montenegro xe ligà da profonda amicisia ai veneti, tanto che parfin el so nome xe de derivasion dala lengoa veneta.

De solito se dixe che l’Italia unita serve a ver tanto suceso inte’l sport, cola nasional de balon e menae de sto spesor.

Ben, pa rispondar ANCA a ste profonde argomentasion, ieri el Montenegro indipendente, co soli 600.000 abitanti, gà dimostrà che le energie poxitive che se libara dopo l’indepensa permete miracoli anca sul piano sportivo e lori lo gà dimostra el 13 de lulio diventando canpioni d’Europa de palanuoto, batendo pa 6 a 5 ai tenpi suplementari in final a Malaga proprio quela Serbia da cui i xe diventai indipendenti nel 2006. L’Italia, par la cronaca xe rivada quinta…

El Montenegro canpion d\'Europa de palanuoto

Kive se pol lexar qualche informasion sul come che i montenegrini gà otegnuo l’independensa.

E kive se pol lexar l’intervento de Maja Drakic (consulente economico per il Governo del Montenegro), tegnùo in ocaxion del convegno organixà dal movimento Veneti el 6 de april scorso a Grixignan.

Segnalemo, par la cronaca, che el Montenegro adota na tasa fisa sul redito dele inprexe del 9% e na tasa sul redito dele persone fixiche del 15%, con programa de portarlo al 9% entro el 2009.

Sti ponti par rispondarghe a Tremonti che ieri parlava de na crixi che no dipende dal stato talian, ma da na congiuntura internasional, afermando adiritura che el stato xe “l’istansa suprema da difendar”. El Montenegro sta crixi la sente in modo molto difarente rispeto a naltri veneti e par lori la congiuntura internasionale xe diventada na oportunità de cresita che li fa trasformar inte la “Tigre del Mediteraneo”.

Questo ne fa capir che, parafraxando Tremonti, el stato da difendar par naltri veneti xe apunto el prosimo Stato Veneto Indipendente.

giane

written by

The author didn‘t add any Information to his profile yet.
Related Posts

Comments are closed.

Leave a Reply

Want to join the discussion?
Feel free to contribute!