headermask image

header image

Solidarietà ala famiglia Squarise e ala Catalogna

El Partito Nasional Veneto inte ste ore xe visin ala famejia Squarise, dopiamente ferìa dal puntual acanimento dela stanpa taliana dopo la tragica sconparsa dela pora Federica copada da un criminal asasin.

El Partito Nasional Veneto esprime inoltre la so solidarietà a tuta la Nasion Catalana ofexa dai media de regime talian che aprofita de ogni ocaxion pa straviar el Popolo Veneto da na situasion de crixi economica e politica sensa precedenti, cauxai dala bala al piè de un stato ormai marso e conpromeso co la criminalità organixada e in man ala casta del Veltrubossoni (Veltroni + Bossi + Berlusconi) che ghe intaresa sol che magnar sule nostre spale. El sinbolo pì evidente de sto regime in putrefasion sarà i soldai che presto se vedarà inte le nostre sità venete, par la prima volta dal dopoguera de pì de sesant’ani fa.

El PNV in particolar ciapa le distanse dale polemiche de cativo gusto dela Farnexina e dale ofexe verso la Catalogna e la so Generalitat che tanto benesere gà portà ai catalani e che naltri veneti invidiemo profondamente rispeto ai politicanti servili che ghemo inte’l Veneto, che, grasie al’ignavia de Galan e de Zaia al masimo i ne porta le scoase taliane par farghe piaser a Bossi, Berlusconi, Jervolino e Bassolino e par mantegnerse qualche caregheta a Roma e in Canal Grande (ma senpre pa ordine de Roma, o Milan, o Bologna, o Napoli).

El Popolo Veneto xe unìo da un legame de profonda amicisia co el Popolo Catalan.

Tuti do vivemo na condision de opresion da parte de un stato sentral che ne sconde e nega la nostra identità veneta e catalana, la nostra cultura ce se fa lustro e onor inte i mejio muxei in volta pa’l mondo e che i ne roba el fruto del nostro lavoro par mantegner la propria condision de privilegio de parasita e de relito dela storia, a spexe nostre.

Visca Veneto i visca Catalunya!

par el Partito Nasional Veneto
el segretario nasional Gianluca Busato

If you liked my post, feel free to subscribe to my rss feeds