headermask image

header image

La to Sità, Libera, Indipendente, Veneta

Cari amisi Veneti,

le prosime elesion aministrative xe ormai visine.

El nostro obietivo xe l’independensa. El xe un obietivo połitico, xe fondamental scumisiar a crear na rete de sindaci favorevołi al’indipendensa.

El PNV iutarà e favorirà ła formasion de liste indipendentiste. El primo scopo de un sindaco indipendentista sarà de servir i so citadini par łe necesità de połitega locałe. L’incarico de un primo sitadìn co ła cauxa veneta ntel còr sarà anca de portar vanti progeti par ła tuteła deła nostra cultura e storia. Ma ała fine xe necessario privar ki ke ne oprime dei nostri skei e risorse, farghe capire ke i veneti i ga alsà ła testa.

Łe liste ełetorałi łe vegnarà anunciae prosimamente, ve antisipemo xà el sinboło ke se pol doparar cuà soto. In mexo ghe xe ła foja de tilio, l’albaro sacro ai Veneti fin da età antica, da pì de tremiła àni a sta parte

La to Sità Veneta

Xe drio supiar un vento novo che se ciama orgołio veneto. L’orgołio de far parte del Popoło Veneto el xe in forte crésita, e xe drio far rifiorir sto albaro miłenario. Femo nasar novi buti, deso.

Poke persone no łe pol mia portar vanti da sołe ła nostra cauxa a liveło locałe: gavemo tuti da darse na man. Come PNV vołemo dar tuto el nostro suporto (de òmeni, de risorse, de strategia) a sindaci ke ga a cor l’indipendensa veneta. Se gavè un candidà ke gode del masimo rispeto fra ła so xente, e ke ghe tien a on futuro felice par ła so tera: semo pronti a farse in cuatro par lu/ela.

Fève vanti conpiłando el moduło ki. Gavémo bixogno de tuti: candidati sindaci, candidati consilieri, vołontari, idee, risorse, e, sora de tuto, tanto entuxiasmo.

Gianluca Busato

If you liked my post, feel free to subscribe to my rss feeds