PLEBISCITO.EU | PNV. Press News Veneto

fermemose un atimo e vardemo cosa che sta sucedendo de novo nela politica dei ultimi diexe ani.
Na novità la ghe xe e la xe un mucio inportante.
La grosa novità la xe che la televixion la gà perso de inportansa.

Vardè sto grafico ki soto:

Sto fenomeno el xe drio cresar e el vol dir che el sistema politico talian, baxà su na clase dirigente non conpetitiva parché sensa concorensa el xe destinà a esar tajà fora dale nove forme de comunicasion.

A ve faso un exenpio: el novo portal de facebook, chel xe diventà la prima rete mondial de relasion sociali tra i xovani.
Segnalo a tuti su sto tema che i indipendentisti veneti sta creando na otima rete su facebook, in un per de mexi.
Invito tuti chi che gà dimistichesa co l’inglexe e i portali de social network (opur che’l gà un fiol, o un nevodo che lo pol iutar) a iscrivarse e a movimentar i grupi in costante cresita, in particolare de xovani studenti universitari.
Come che savarì mejio de mi, se ghe xe i xovani che scumisia a credarghe, a vol dir che semo drio metar in piè el motor fondamental dela nova politica veneta, che’l xe indipendentista.
Prima de ndar rento ai vari grupi, bixogna registrarse su facebook, sinò no se vede gnente.

Ve segnalo in particolar:

• grupo “Facciamo un referendum per l’indipendenza del Veneto!”, 202 membri
• grupo “PNV (Partito Nazionale Veneto)”: 100 membri
• grupo “La to Sità, Libera, Indipendente, Veneta”: 63 menbri

E ricordeve che la viralità ancuò la xe el novo strumento par far pasar l’idea e ragiungiar el nostro obietivo: l’independensa veneta!
E ricordemose che a xe solo che co la viralità che pianin pianeto semo rivai ale prime 500 firme par l’indipendensa, che xe un traguardo inportante, parché finalmente a ghe xe 500 veneti che gà el corajio de metar el so nome e cognome su internet de fianco a un obietivo che fin qualche ano gera anca solo proibìo de pronunciar.
Forsa e corajio, che sta par verxarse na nova finestra storica par conquistar la nostra libartà, iscriveve al pnv, iuténe, firmè par l’indipendensa, iscriveve su facebook, vanti che el momento el xe queo bon.

W San Marco!

Sani, giane