El Milion

El Milion

Rispeto a na diexena de ani fa’, de fronte ała prospetiva de indipendensa ła xente no ła se esprime contraria, ma pitosto i te risponde: magari, ma xe utopia. Ormai tuti no ghe ne pol pì de sto gabiòto smarso, ma no i vede na alternativa fatibiłe.

El Pnv ga on percorso pitosto ciaro, difìsiłe magari, ma percorìbiłe parké ghe xe xà dei precedenti in altri paexi europei. Se trata de ver na raprexentansa istitusional regionałe (bastaria anca provinciałe) ke domanda on monitoragio a l’ONU e ała UE su on referendum par l’indipendensa, on dirito riconosuo in tratà internasionałi anca da l’Italia.

Ła Regione Veneto ła ga na popołasion de 4.8 milioni (dati 2008 Istat) de abitanti. L’82% xe magiorène e ga dirito al voto, e cioè 4 milioni scarsi. Parké on referendum el sìpia valido ghe vol almanco ła metà de quorum (2 milioni scarsi ke i vaga votar). Par vìnsar el referendum ghe vol ła magioransa de ki ke va votar. Eco, bastaria ke on milion de veneti el se esprima a favor de scanpar via da sto stato tenebroxo, e ła xe fata.

Filipo Dal Lago
Pnv

written by

The author didn‘t add any Information to his profile yet.
Related Posts