Una metropoli non la si nega a nessuno

Mi penso che anca Legnago la dovaria esar n’area metropolitana. Gavemo Terranegra, Vigo, Casette, San Vito, Porto e on bordelo de altri paeseti e paesoti che i forma sta granda area popolà da on fraco de persone; par non descorer de tuti i comuni tacà che i forma na comunità dal bon stragranda. Mi penso che se sità sconfinà confà Verona o Reggio Calabria le vole esar aree metropolitane, anca Legnago la ga el dirito!

Securo, calchedun el podarà dir che l’è tuta na question de schei e de parasitismo statale. Calchedun el podarà dir che semo rivà a on ponto che gavemo sorpasà da on toco el limite del ridicolo e che i nostripolitici i’è dei geni a catar fora doxentomila modi par tor su i nostri schei. Calchedun el podarà dir che el verbo “sparagnar” no i lo conose propio e i se ga inventà la bala del “federalismo” par torne ancora in giro e nar vanti a far i splendidi co i schei de nialtri.

Calchedun de pi’ a la fine se ronparà i c… e el capirà che l’indipendensa de na Venetia Libara l’è la sola via par levarse de torno i nostri politici veneto-romani che i pensa che nialtri semo suditi e che i lasaremo a far i grandoni par senpre.

Lo Stato el xe la granda entità finta par la quale tuti i serca de vivar sul gropon de i altri. (Frédéric Bastiat)

Popularity: 2% [?]