Ancuò 14 de magio 2009 lo stato italian gà viołà la sede del Partito Nasional Veneto

Ancuò 14 de magio 2009 lo stato italian gà viołà la sede del Partito Nasional Veneto.
Questo xè un grave ato de interferensa suła nostra atività democratica.
Tegnemo a precixar che la perquixion inte ła nostra sede no riguardava come indagai nisun socio o candidà del Pnv.
Epur anca se a nisun esponente del Pnv ghe xè contestà reati, lo stato tałian no gà catà de majo che dar ordine de perquixir la nostra sede, co ben 6 Carabinieri.
No ne par che questo sipia un conportamento degno de un stato sivil.
No ne par che pal solo fato de ver prexentà le nostre liste e i nostri candidati ale elesion provinciai
de Padova e Venesia se meritemo tuto questo.
Domandemo a tuti, come segno de protesta e de indignasion de darne apogio, de iutarne a tacar manifesti e dar in giro vołantini e farghe capir in cabina eletoral che i Veneti no i xe bauchi.

L’unico modo che gavemo per tutełar ła nostra libertà xe VOTAR EL PNV!

written by

The author didn‘t add any Information to his profile yet.
Related Posts