Dovemo reagir!


A gavemo da reagir contro i sopruxi in corso. A savemo ben che tra mercore e domenega i piovegarà sui giornai falsità su falsità contro el PNV.
I scrivarà che a semo dei mostri, che a semo dei furfanti, che a semo dei criminai politisi, che ghemo meso in piè na organixasion da reprimar.

Speteve robe ignobili e sora de tuto FALSE.

Le premese xe proprio cueste.
L’obietivo numaro uno el xe blocar la nostra partesipasion democratica ale elesion. I sta faxendo carte false e ghe ne ghemo le prove.
I sta faxendo intimidasion sula xente e i li sta obligando a ritratar el so apogio ala nostra lista.
I ghe sta faxendo paura dixendoghe de no votar PNV.
I ghe fa domande personali, sula so vita, sula so fameja, sui so pensieri.
I sta movendo na forsa inpresionante, spendendo un mucio de schei e SOLO CONTRO DE NALTRI.
Ghemo decixo de denunciar TUTI st’altri partiti, par falso in ato publico, par vedar se i ghe riserva un tratamento pari al nostro.
No podemo star cuà a subir e basta, a dovemo reagir!

XIOBA 4 DE GIUGNO ORE 20.30 MANIFESTASION A PADOVA
FIACOLADA PAR LA LIBARTA’.

PARTENSA DA CORSO DEL POPOLO – GIARDINI DEL’ARENA
COMISIO FINALE IN PIASA GARIBALDI (NOTO FURFANTE CHE NE GA’ FATO S-CIAVI).

Faxè pasaparola, bixogna esarghe, portè xente, no ste ver paura, parché sti cuà i gà na fifa boja de scoprir che semo in tanti a votar PNV!

Difendi la to libartà, vien xioba a Padova!!

giane

ADERISI DA FACEBOOK ALA MANIFESTASION!

written by

The author didn‘t add any Information to his profile yet.
Related Posts