El Partito Nasional Veneto el esprime ła so piena sołidarietà e vicinansa al so presidente, Paolo Bernardini, ogeto de ofexe e atachi personałi incuałificabiłi. Naltri femo cuadrato intorno a na persona che ne raprexenta in pien e che gà senpre dimostrà na onestà inteletual e un corajo sivil straordinari, che ło fa un exenpio de virtù par tuti naltri.
Purtropo el tono doparà dai so “interlocutori” se gà meso al de fora del piano połitico e donca no podemo gnanca rispondar ała mancansa de argomentasion. L’ugnoła roba da far xe armarse de santa pasiensa e esar consapevołi che come primo partito indipendentista veneto gavemo anca ła responsabiłità de no star a vardar chi che no sta sol piano democratico e de rispeto dełe opinion de st’altri. Par el Pnv el rispeto dełe idee e dełe persone el xe un prinsipio fondante e donca proprio no ghi ne discutemo gnanca co nisuni. Chi che no fa suo sto ategiamento, nol pol confrontarse co naltri.
El nostro Presidente el gà dito giusto e el gà toca inte’l vivo aspeti de na ciara incoerensa połitica da parte de chi che dixe de portar vanti un obietivo e po’ dopo par da drio el tien na łinea difarente e in gran contradision co l’obietivo de faciata. D’altra parte i fałimenti dei połitisi autonomisti veneti i xe soto i oci de tuti, par cui no serve pì de tanto fermarse su sti aspeti. Ła mancansa de argomenti połitisi da parte de chi forse a torto el se sente sorpasà se gà dimostrà inte na pura forma de viołensa verbal priva de contenuti, par cui no merita parlarghine, ma soło constatar che dovemo sol che farse ła nostra strada, consapevołi – come che ti Paolo a te gà ben dito – che no ghe xe scorciatoie par ła libartà. E no ghe xe gnanca nisuna gara e ansi a dovarìa esarghe na comun dedision al’obietivo del’independensa sensa suditansa verso partiti fałii e inconcludenti.
Paolo, co orgolio el Pnv te gà sernìo come so Presidente, proprio par dimostrar ła superiorità połitica dei Veneti che noi gà de bixogno de serarse su poxision de retroguardia, ma ansi i sa dar forsa ałe so istanse de libartà co el spesor intełetual che in un soło àno de vita e 3 dì el gà parmeso al Partito Nasional Veneto de prexentarse ai eletori co na poxision de forsa che nisun altro partito tałian el gà.
Eco parché femo cusì paura ai nostri aversari połitisi!
Vota par l’independensa, vota par ła libartà, vota Pnv!
Gianluca Busato
Segretario Pnv
Solidarietà a Paolo Bernardini
Il Partito Nazionale Veneto esprime la propria piena solidarietà e vicinanza al suo presidente, Paolo Bernardini, fatto oggetto di offese e attacchi personali inqualificabili. Noi facciamo attorno ad una persona che ci rappresenta completamente e che ha sempre dimostrato una onestà intellettuale e un coraggio civile straordinari, che lo fanno un esempio di virtù per tutti noi.
Purtroppo il tono usato dai suoi “interlocutori” si pone al di fuori del piano politico e dunque non possiamo nemmeno rispondere alla mancanza di argomentazioni. L’unica cosa da fare è armarsi si santa pazienza ed essere consapevoli che come primo partito indipendentista veneto abbiamo anche la responsabilità di non fermarci a guardare chi non sta sul piano democratico e di rispetto delle opinioni altrui. Per il Pnv il rispetto delle idee e delle persone è un principio fondante e dunque non ne discutiamo proprio con nessuno. Chi non fa proprio tale atteggiamento, non può confrontarsi con noi.
Il nostro Presidente ha detto bene e ha toccato nel vivo aspetti di una chiara incoerenza politica da parte di chi dice di portare avanti un obiettivo e poi dopo di nascosto tiene una linea differente e in grande contraddizione con l’obiettivo di facciata. D’altro canto i fallimenti dei politici autonomisti veneti sono sotto gli occhi di tutti, per cui non serve più di tanto soffermarsi su tali aspetti. La mancanza di argomenti połitisi da parte di chi forse a torto si sente sorpassato si è rivelata in una pura forma di violenza verbale priva di contenuti, per cui non merita parlarne, ma solo constatare che dobbiamo solamente fare la nostra strada, consapevoli – come tu Paolo hai ben detto – che non ci sono scorciatoie per la libertà. E non c’è nemmeno alcuna gara e anzi dovrebbe esserci una comune dedizione all’obiettivo dell’indipendenza, senza sudditanza verso partiti falliti e inconcludenti.
Paolo, con orgoglio il Pnv ti ha scelto come suo Presidente, proprio per dimostrare la superiorità politica dei Veneti, che non hanno bisogno di chiudersi su posizioni di retroguardia, ma anzi sanno dare forza alle loro istanze di libertà con lo spessore intellettuale che in un solo anno e 3 giorni ha permesso al Partito Nazionale Veneto di presentarsi agli elettori con una posizione di forza che nessun altro partito italiano ha.
Ecco perché facciamo tanta paura ai nostri aversari politici!
Vota per l’indipendenza, vota per la libertà, vota Pnv!
Gianluca Busato
Segretario Pnv
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
New blog post: Sołidarietà a Paolo Bernardini http://bit.ly/awBSj
busato scrive”Eco parché femo cusì paura ai nostri aversari połitisi!”.
ecco hai capito tutto!
in veneto si direbbe confondi cassi con caenassi.
Perchè vedere tutti gli altri come avversari politici da abbattere?
Perchè invece di attaccare lo stato italiano non perdete occasione di attaccare gli altri indipendentisti?
questo atteggiamento mi sembra fortemente leghista: “non può esserci altro indipendentista al di fuori del pnv.” Ma dove sta scritto?
Per fortuna gli indipendentisti sono molti molti di più.
La parola rispetto è così sconosciuta?
Da una parte si chiede il voto e dall’altra continua si continua ad insultare.
In campagna elettorale ci si confronta politicamente e quindi gli schieramenti che chiedono voti in alternativa a noi sono ovviamente CONCORRENTI. Tutto qui.
Secondo un sondaggio pubblicato oggi su “il mattino” di Padova e condotto dall’udc (un nostro concorrente politico), il candidato presidente del PNV avrebbe l’1,3% dei consensi del campione intervistato, praticamente nel silenzio mediatico attorno al suo programma e ai candidati del PNV. Sappiamo tutti che dobbiamo migliorare, ma per farlo dobbiamo appunto confrontarci con i nostri avversari politici e convincere i veneti che votare un partito indipendentista ci avvicina tutti all’indipendenza veneta.
se per te confrontarsi politicamente vuol dire insultare…
tra l’altro è una tua idea che si tratti di concorrenti: il pnv non partecipa ne alle comunali di padova ne alle europee, quindi non cè nessuna concorrenza.
se eravate un’attimo più intelligenti cercavate degli accordi invece di muovervi come un elefante in un negozio di cristalleria.
Da mesi insultate tutto e tutti nei forum e nei vostri comunicati stampa e dopo vi lamentate che siete isolati e soli?
pessimo modo di condurre un partito.
a me non sembrava di aver letto degli insulti sul sito del PNV…bisogna vedere, tuttavia, che concezioni abbiamo di insulto…in ogni caso mi dispiace rivolgermi ad un Anonimo, parli di rispetto ma dopo ometti il tuo nome.
Se ci sono stati degli insulti, almeno questi erano firmati.
neanche questo è vero.
da mesi girano su internet nei vari forum nick falsi che insultano e seminano discordia che sono riferibili sempre alle solite persone che sono dei vostri.
almeno in questo è vero, bernardini si è firmato.
Ha insultato pubblicamente tutti gli iscritti del movimento. pubblicamente.
Ma questo lo rendere migliore?
non credo, sempre insulti sono.
io, comunque, non volevo entrare nel merito della questione. Non conoscendo tutta la cronistoria non mi schiero né da una, né dall’altra parte…anzi, sinceramente non mi vorrei mettere mai contro qualcuno che la pensa nella mia stessa maniera, prescindendo dal fatto che il confronto da me è sempre ben accetto.
sono d’accordo.
è inconcepibile oltre che politicamente idiota.
se ti insulto ripetutamente è ovvio che voglio scavare un solco tra me e te.
ma se potenzialmente sono uno che può votar per te o addiritura sostenerti attivamente che senso ha?
Nessuno, a meno dietro non ci sia un secondo fine che è quello che conosciamo: divide et impera.
ma chi sostien cosa che ne sparè vangae de atachi idioti da co che semo nati. Feve pur la vostra politica de apogio ai candidati autonomisti, portea vanti sensa paura e sensa ofexe par piaser…
Cari tuti.
Dopo la percuizision de la sede de ‘l PNV capità racuanti dì pasà a me so dito che a zéra capità calcosa de particolar, da tenpo (forse da ani) par la prima volta le Fòrse de ‘l Ordene de ‘l Stato Talian le se zéra interesà a un Partìo venetista.
Forse racuanti militanti de che altri Partii i sarà stà cìamà in cazerma, magari par spiegar le propie idee (forse prima de ‘l 2006), ma a me senbra che par la prima volta da ani na sede venetista la sipia mesa soto percuizision.
Par sta razon, anca se mi restavo perpleso in relasion a racuanti punti che revarda el PNV e le so persone, mi me zéro proposto de iscrivarme al PNV in segno de solidarietà. Dopo, tra un inpegno e che altro go dovuo ritardar la conpilasion de ‘l modulo de iscrision e finalmente cuando che zéra rivà el bon momento a me so leto el intervento de Bernardini e le relative contro repliche… e le me indecizion relative a l’ iscrision le ze tornà a prevaler.
Cuindi, anca se la storia de la percuizision la me ga colpìo, tanto che anca ieri fresca a go informà la zente de ‘l PNV che ghe zé un jornalista che forse el zé disponibile a scoltarli (e li iutarò in tute le maniera par permetarghe de render publica sta bruta storia) al tenpo isteso a ghe go ripensà so el discorso de l’iscrision… no ze gnancora el momento.
In zenere durante le elesion tuti scumisia a spararse contro, ma sta volta, a mi penso che ghe sipia anca un altro tipo de problema.
A gavevo za condivizo la me idea (preocupasion, punto de vista o come che el se voja cìamar) tenpo pasà con na persona de ‘l PNV, ma deso, a penso che ghe sipia tute le prezupozision che me porta a intervenir publicamente inte ‘l tentativo de espor el me modo de vedar sto problema.
Le nóve che in sti ultimi dì le ga colpìo el Prezidente de ‘l PNV, a me parere le ze ligà a un problema intrinseco e no de fasile resolusion se se volese salvar cavara e cavoli.
In tenpi no sospeti (oramai a se parla de racuanti mezi pasà – a zéra el inision de ‘l 2009) a sto militante de ‘l PNV mi scrivevo robe come cuele che vien cuà soto … … …
A me modesto parere a ze bèn concentrarse de pì so l’ IIIIIdentità (co 5 “I”) e cundi so Lèngoa, Storia, Cultura, Tradision… Bizogna rescoverzare el “humus comune” che i ga i vèneti specie inte i momenti de dificoltà e de probabile prosimo scontro sociale… El nemigo el ga da esare l’ Italia e no che altro Vèneto che me abita visin de caza, cualche sipia la so idea.
Bizogna concetrare la rabia che monta verso el giusto obietivo, sensa farse de ‘l male da soli.
A mi penso che oltre a la descoverta de la Identità (Lèngoa, Cultura, Tradision, Storia, Diferensa fra el nostro aprocioa a la vita e al senso de Comunità e cuelo de che altri Popoli de la Penizola Italica) a vaga anca bèn parlare de come che i Stati picoli i riese a esare pì dinameghi e conpetitivi, de come che i gabia istitusion e aministrasion pì visine al citadin, evc evc…
Ma, mi penso che el sipia un eror puntare so altri temi, in primis cuelo de l’economia o de la struturasion de ‘l furturo Stato in senso liberale/libertaria (no so gnanca come cìamarla ezatamente sta ideologia) se prima no se crea le FONDAMENTA IDENTITARIE.
A go l’ inpresion che a volte voaltri de ‘l PNV (e altri) afrontè temi che par forsa no i ze incluzivi par tuti i Vèneti… ma ze normale, parché i ze temi de parte… de Partìo. E a me modesto parere, sóra de tuto int’ un momento difisile come cuelo che semo drio vivare, a ze meio metàre in secondo piano i temi de Partìo o de vizion ideologica de ‘l futuro Stato Vèneto e afrontarghene altri de pì incluzivi.
Par spiegarme meio a vago a far el ezenpio de Salvadego (NdA: forumista de Raixe Venete co tendense da estrema destra).
Mi me reconoso al 100% co Salvadego cuando che se razona só la Lèngoa (sóra tuto), só la Cultura e le Tradision. So sti temi cuà a go da dire che semo praticamente senpre concordi. Ma par el resto a semo conpletamente a i antipodi.
Come che ze ovio, Salvadego el ze un individuo, e mi e lu semo conpletamente difarenti, ma se riconosemo veramente e conpletamente inte i temi de baze che definise la nostra identità.
Se la intendemo che ze un piaser a discorare de Lèngoa e Cultura. Lu el me deventa cuazi insoportabile cuando che se scumisia a discorare de politega de stanpo partitego o de struturasion de la futura società vèneta.
Eco, che in sta maniera a penso de gaver individuà cueli che a me parere i ze i temi da butare inte ‘l calderón in sto momento.
===>>> Par sti motivi, francamente, a me parere el PNV el ga da canviare Prezidente. <<<===
Un jenoveze, che NO el parla in Vèneto e che par cuanto che el gabia visuo a Padova no el ga acuizìo na vèra veneticità (inteza in modo identitario, gnente de rasista, sia bènm cìaro) no el pol esare convincente come prezidente de un Partìo de stanpo NASIONAL come el PNV.
A faso el ezenpio de el SUB-comandante Marcos.
Inte na intervista i ghe ga dimandà come mai lu, cusì ativo e punto de referimento par la guerilia de liberasion de i Indios el gabia solo el grado de SUB-comandante. La so resposta la ze stà “mi a no so miga un Indios, cuindi no go dirito a coverzare le pozision ofisialmente pì inportanti”.
Mi a penso che posa esare lo steso par el PNV. Na figura de pezo come cuela de Bernardini la pol bèn esare un SUB-comandante par la stesa razon che lo ze Marcos, ma al tenpo steso el segnale che ghe rivarà a i vèneti AUTOCTONI el sarìa cìaro e lampro.
Mi so par na società VERTA E LIBERA, formà da autoctoni e no autoctoni, ma sta società la ga da formarse e la ga da pozarse so fondamenta forti, la ga da esare na società identitaria e vèneta al 100%.
Al masimo (e par far un ezenpio) a preferirìa come Prezidente de ‘l PNV na persona de colore (nero, bianco o zalo no ga inpotansa), che el ze nato in Vèneto, che el ga frecuentà conpagnie de vèneti, che el parla Vèneto, che el ga fato la scola co i tozati vèneti in Vèneto, evc, evc, evc… Parché el darìa pì “feed back” de la so veneticità (ripeto, inteza in cuando identità formante la so vita, gnente de rasista) de cuela che me da Bernardini… Che vardando so YouTube, tanto par far un ezenpio, no el perde ocazion par dire che lu el ze jenoveze… So i video indove che ghe ze lu, no el perde ocazion par parlar in Talian invese che in Vèneto.
Par mi bizogna ligar prima de tuto co i autoctoni che se trova in Vèneto, parlando Vèneto e co un Prezidente Vèneto da la nasita, ancor de pì se la so responsabilità la ze raprezentativa.
Se non se riese a fare masa critega in Vèneto, se podarà gavere tute le sinpatie che se vol in volta par el mondo, ma no canviarà un granché.
La stra-granda majoransa de chi che se fidarà (e che suportarà el PNV) no el lezarà el Statuto. No lo lezarà parché, come al solito i se fidarà de ‘l istinto, de cuel che i sentirà par la TV, par la radio, che i lezarà so i giornali o che i vedarà so Internet. Se i vien inte ‘l sito web de ‘l PNV no i ‘ndarà in serca de ‘l statuto, ma i se lezarà i articoli che
vegnarà scriti e i ‘ndarà vardarse i video YouTube che i trovarà in volta par Internet.
E francamente, sensa lezare el statuto de ‘l PNV e (fra virgolete) “fregandomene” par deso de cuel che i pensa inte i USA o in Australia de la nostra cauza, mi omo (vèneto) de la strada (digo mi par dire cualcuno in jenerale) me
senbra che el atuale Prezidente de ‘l PNV el sipia un pochetin fóra posto.
La sarà na inpresion sbalià e che invese l’ omo de la strada no la pensa come che mi la go dita cuà… Maaaaa, no so parché, ma me sento bastansa convinto de sta róba.
Puntoevirgoea, el PNV el ga come unego obietivo l’indipendensa de la Venetia e nol vol esar on partito “socialista”, “liberale”, “cattolico”, “comunista” etc etc. Al so iterno el ga persone (come mi, Berardini, Claudio) che i’è libartaria ma coesto NO VOL DIR CHE EL PNV L’E’ ON PARTITO LIBARTARIO. Forse la nostra “colpa” l’è de esar masa ativi sora internet e de dar n’inpresion sbilancià. Rento al PNV ghè tante altre persone che no la pensa mia come nialtri e coesto l’è el belo parché l’è dal bon on partito NASIONAL.
El PNV el se basa sora 4 principi fondanti: proprietà privata, intesa come espressione più generale della libertà individuale; rifiuto di qualsiasi forma di discriminazione (razziale, sessista, linguistica, religiosa, ecc.); accettazione della legittimità democratica e della non violenza; accettazione delle norme del diritto internazionale. Sora sti principi el pol venier chiunque, catolego (come Berardini) o ateo (come mi), liberal o socialdemocradego, ecc ecc.
Par cuanto riguarda el fatto che el presidente l’è on genovese, par mi inveze l’è on punto de forsa parché el ne sgonbera la strada da esar adità come i soliti pasatisti o nostalgici. La “veneticità” l’è garantia dal segretario, no ghe xe problemi. Par mi l’omo de la strada no se fa mia problemi so ste robe, pitosto gavemo da convirsalo che l’indipendensa l’è na roba posibile e no l’è mia na utopia. E lo se convinse spiegandoghe el percorso del referendum, co la storia dei Veneti anca “invogliandolo” co el discorso economego. Parché, no stemo a contarse bale, la panza l’è inportante.
voria dir altre do robe e dopo taxo.
quei che i ne dixe “no ste mia a litigar” i ga da esar onesti e vardar le robe da un ponto de vista ogetivo: lexì coel che ga scrito Bernardini e dopo lexive le risposte che ga otegnesto. ve par de lo steso tono? ci ei coei che i litiga e ci ei coei che i ga chiesto na roba senplice (parché on movimento indipendentista suporta dei autonomisti)?
a me par che tanta gente la sia on fià masa schisinoxa. Come i fa in tei altri paesi a deventar indipendenti? i suporta on partito indipendentista! qualo elo in Veneto l’unego partito indipendentista struturà e con on so spesore? El PNV. Ve ghe vol n’invito scrito par vegner rento el PNV e farlo cresare? Vardè che l’è on partito verto e che l’è forma da i so soci, mia da na cupola. Se demo na svejada?
Ciao Luca!
Luca el scrive:
>
> Puntoevirgoea, el PNV el ga come unego obietivo
> l’indipendensa de la Venetia e nol vol esar on partito
> “socialista”, “liberale”, “cattolico”, “comunista” etc etc.
> Al so iterno el ga persone (come mi, Berardini, Claudio)
> che i’è libartaria ma coesto NO VOL DIR CHE EL PNV
> L’E’ ON PARTITO LIBARTARIO. Forse la nostra “colpa”
> l’è de esar masa ativi sora internet e de dar n’inpresion
> sbilancià. Rento al PNV ghè tante altre persone che
> no la pensa mia come nialtri e coesto l’è el belo parché
> l’è dal bon on partito NASIONAL.
>
Te confermo che la me inpresion de la fine 2008 e inisio 2009 la zéra e la zé (oncora deso) cuela che el PNV el senbra “sbilancià”, se ti vol dirlo cusì.
In realtà mi no ghe ne faso na colpa. A ghe zéra cualchedun che me fazeva notare come che in Catalonia i gabia sielto na solusion diversa: do o tre partii indipendentisti, ma uno de sanca, ‘l altro de drita e ‘l altro ancora de no so cosa… Ma tuti indipendentisti.
In sta maniera la zente ze riusìa a riconosarse sipia so el indipendentismo, sipia che so el propio modo de vedarla “politicamente”.
Ma no la ze la sola solusion.
Anca cuela del PNV la pol esare na via percoribile… e forse a ghe ze anca altri ezenpi in Europa o fóra Europa che i someia al PNV, ma a me modesto parere tuti i sforsi che gavì fato in nome de la indiependensa i ze sta sconti dal el vostro forte caratere personale che a volte el fa intendere tut’ altro o el ris-cia de esare deviante rispeto la strada maestra : indipendensa.
E, volendo dire de pì, anca inte ‘l modo de scrivare (inte ‘l ategiamento) de Bernardini relativamente al so post precedente e a le resposte che el ga dà a chi che lo critegava, mi vedo (ripeto, forse me sbalio) PRIMA el prof. Bernardini e solo DOPO (MA SERCANDOLO COME UN PEO INTE UN OVO) a vedo el indipendentista… Tra ‘l altro che el someia a volte a un indipendentista internasionale (jenerico) e volte venetista… La inpresion che go ze che el “personalismo” (oltre al so no esara oncora veramente vèneto) de Bernardini el sipia masa forte par esere conpatibile co cuelo de el Prezidente de^’l PNV.
>
> El PNV el se basa sora 4 principi fondanti: proprietà privata,
> intesa come espressione più generale della libertà individuale;
> rifiuto di qualsiasi forma di discriminazione (razziale, sessista,
> linguistica, religiosa, ecc.); accettazione della legittimità
> democratica e della non violenza; accettazione delle norme
> del diritto internazionale. Sora sti principi el pol venier chiunque,
> catolego (come Berardini) o ateo (come mi), liberal o
> socialdemocradego, ecc ecc.
>
Sì, cuesto lo go capìo bèn… a se trata de principi “jenerici” de bon senso che i me trova conpletamente concorde… E che in realtà co na muiere de orijine rusa e ortodosa e mi veneto con na “forma mentis” da catolego, ma no seriamente praticante, evc evc, a se trata de pricipi che inte ‘l me picolo mi pratego tuti i dì.
Cuando che mi parlo de identità vèneta, d’ogni modo, el ze un metare de i paleti che serve par costruire na caza che no la casca al primo ventezelo… e a volte bizogna aceter che i paleti, i vincoli che inpone le fondamenta identitarie le pol dimandar de sacrificare, almanco tenporalmente, sto tipo de principi fondamentali.
Luca, a te me ghe da spunto par farte un ezenpio fose pì calsante.
Mi me sento prima indipendentista e dopo sostenidor de i 4 principi che ti te ga elencà.
A me senbra che el PNV el sipia prima sostenidor de i 4 principi che ti te ga elencà e solo dopo indipendentista.
Tuto cuà.
>
> Par cuanto riguarda el fatto che el presidente l’è on genovese,
> par mi inveze l’è on punto de forsa parché el ne sgonbera la
> strada da esar adità come i soliti pasatisti o nostalgici.
>
Scuzime, ma ti te ze drio parlarme de na conveniensa politico-sociale… Mi invese te parlavo de identità… El Prezidente de ‘l PNV no el ze identitariamente vèneto… no la ze na colpa, ma un dato de fato.
Che dopo gaver un Prezidente vèneto in tuti i sensi signifega esare adità come pasatisti o nostalgici… cuesto el ze un problema che toca che altri… I vèneti invese i capìrìa bèn.
>
> La “veneticità” l’è garantia dal segretario, no ghe xe problemi.
> Par mi l’omo de la strada no se fa mia problemi so ste robe,
> pitosto gavemo da convirsalo che l’indipendensa l’è na roba
> posibile e no l’è mia na utopia. E lo se convinse spiegandoghe
> el percorso del referendum, co la storia dei Veneti anca
> “invogliandolo” co el discorso economego. Parché, no stemo
> a contarse bale, la panza l’è inportante.
>
E invese mi penso che ‘l omo de la strada vèneto el se farà avisinar se “ti ghe parli in vèneto”.
Luca, a voio darte un ezenpio.
Se mi te manco a cagare, ti te se bèn che fra do vèneti cuesto el pol gaver vari significà, le sfumature le ze difisili a recepir… E NO ZE SOLO NA CUESTION DE LENGOA… ze tuto, el contesto, l’ espresion, el fato de ricìamar sentimenti comuni e condivizi parché visui inte la nostra pele… no ze fasile da spiegar, ma ti che ti ze vèneto a so cuazi convinto che ti me gabi za capìo…
Bon, lezendo el intervento de Bernardini, francmanete a volte senbra che lu el se ponga da “professorone” al de sora de che altri… el ga tocà pì de cualche volta (e so convinto sensa volerlo e sansa farlo a posta) el orgolio de i veneti, a presindere da el partìo indove che i milita.
Come dire, ze come che el ne gavese mandà cagare sensa rispetar i canoni vèneti… lu forse lo dizeva in “version pozitiva”, racuanti vèneti che i ga leto (e che mi capiso) lo ga cipà inte la “version negativa”.
Ghe xe un eror de baxe. I prinsipi noi se sostien, i xe lori a sostegnerte. Un obietivo invese se sostien. E l’obietivo xe l’independensa. La batalia identitaria la va ben, ma la gà dimostrà grosi limiti al ponto che la prima Liga Veneta a xe stada magnada da chi che ndava oltre la batalia identitaria
Bepi, l’ indipendensa la ze sostegnua dal fato naturale de esare un popolo. Un Popolo el ga principi… li pol gaver anca un singolo, ma alora a se trata de n’ altra roba.
Cuindi, un Popolo el ga na identità che lo porta a sostegnerse (in cuanto Popolo) ponendo dei principi… na etica… e se ti vol na morale.
El principio el eziste in cuanto convension… convension definìa da na comunità de individui… che, apartenendo a na stesa etnia la se identifega inte un Popolo.
Ezenpio clasico:
Atene e Sparta. Do Cità Stato difarenti. Do Popoli e do Comunità difarenti…. Principi e etiche difarenti.
e zonto… I principi i vien rezi propi solo se acetai da na comunità de persone, da un Popolo… ch però, come al solito, el Popolo se identifega in se medezemo.
Le convension, i principi, l’ etica…. e anca la morale…. le vien dopo.
Puntoevirgola, el problema de fondo el xe ca semo sensa valori.
E xontaria na oservasion, par via de sta to fraxe:
“Mi me sento prima indipendentista e dopo sostenidor de i 4 principi che ti te ga elencà.
A me senbra che el PNV el sipia prima sostenidor de i 4 principi che ti te ga elencà e solo dopo indipendentista.”
Ti a te dixi de eser prima independentista e dopo sostenidor de i 4 principi. Ma se dovaria porse ste domande: la independensa …e dopo? El grave riscio de inviar on proceso revolusionario (intexo in senso technico del termine) el xe ca te poli rivar a na poxision de alto riscio, de incerteza, ndo se pol sbrissiar fasilmente. I principi i serve a coesto, i serve a metar in ciaro ca no se pol sbrisiar. Ti forse no te lo poli saver, parke mi istesso lo go descoverto conosendo la xente via via intel tempo, ma varda ca existe diversi pensieri e taluni i xe orientà a solusion ca le va dal teocratico al totalitario.
No xe ca gavemo parà live 4 principi parke sognemo na certa forma de stato, ma semai parke no volemo ca se sbrissia in talaltre forme de stato.
Dognimodo, mi lo go dito in altre ocaxion: serve on pato de concordansa (i cui termini gavevo elencà so na discusion fata intel forum del pnv), e saria felice se altri partiti independentisti nasese, o in alternativa semo pronti a far nasere de le corenti interne al pnv fà dei protopartiti. In sto modo ghe saria la vèra reprexentatività. Ma i senari ga ancora da desbrojarse e dovemo ver pasiensa.
Errata: co go dito ca semo “sensa valori” intendevo in general, tuti i Veneti (oviamente escludendo le ecesion).
puntoevirgoea, serco de spiegarme, la mia la xe na constatasion semantica.
I prinsipi i sta – apunto – al prinsipio.
L’obietivo el sta ala fine.
Par cui su un percorso politico, te parti dai prinsipi e te rivi al’obietivo.
Almanco mi me pararìa logico cusì. El Pnv el se baxa sui prinsipi (tra cui l’autodeterminasion), par poder rivar al’obietivo del’independensa.
Claudio, Bepi…
Forse mi so sbrisà so discorsi difarenti, cuando che sto topic el zéra relativo a Bernardini.
So i prinsipi che i ga da strar davanti o dopo l’ indipendensa, se a voaltri a ve va bèn, a se pol verzare un altro topic… inte ‘l forum magari.
Infati, riportando el me intervento presedente a go fato el copia e incola de un mail (che go modifegà par l’ ocazion) che gavevo invià a ‘l inisio de Zenaro…. e là scrivevo sipia de Bernardini che de che altri temi reltivi ala identità.
E el discorso so la identità lo fazevo in funsion de cuelo che dopo a gavevo scrito so Bernardini.
Bon, la parte so Bernardini la ritegno invese ligà a sto topic… Se ve va so tal tema se pol continuare a razonare.
Par Claudio…. Ripensando a cuel che te gavevo scrito a ‘l inisio de ‘l ano e a cuel che se semo diti so Skype… se te vedi, co Bernardini a ze drio capitare propio cuelo che te gavevo dito e scrito.
I 4 prinsipii (rispeto de l’individuo, nisuna discriminasion…), i xe ala baxe del partito. No se pol mia canbiarli sensa far on torto a ki ke se ga iscrito fin deso in baxe a ste convinsion. A ki ke no ghe piaxe sti 4 prinsipi penso ke i pol catarse nantro partito ke no li ga, o farghine nantro, senpre co l’obietivo de indipendensa.
Le critike fate a Bernardini presidente le xe in ciara violasion de uno de sti prinsipi. Dir ke lu no pol nar ben parke’ no xe veneto indigeno, xe gualivo de dir ke nantro no pol nar parke’ no’l ga el dna al 100% veneto.
A mi me va puito se uno no’l se iscrive al pnv parke’ no ghe sta ben sti 4 senplici prinsipi, parke’ no lo voria gnanca come conpagno de partito.
Lodovico, come che dizevo precedentemente forse la go cìapà masa a la larga e ala fine se ze perso el punto che volevo sotolinear.
Come che scrivevo, a se trata de na analizi mia personale in funsion de come che Bernadini el ga inbastìo su el articolo incriminà e de come che el ga risposto a chi che ghe ga moso criteghe (lezi mesaii in sto sito web). Anca mi me so sentìo colpìo da racuante so afermasion, e meso dito: “sto cuà no el ga capìo… no el NE ga capìo”. (dove par NE intendo noaltri vèneti).
Se te lezi bèn, mi dizevo che preferirìa na persona de colore (cuindi gnente discriminasion rasiali o de DNA), ma che la sapia parlar veèneto, che la gabia un minimo de “sentimento vèneto” intezo come conosensa no solo academica e rasionale del mondo vèneto e del Popolo vèneto, ma anca na conosensa “a tastoni”, na conosensa “de vita visua”, na conosensa EPIDERMICA de la nostra realtà e de come che noaltri semo.
Figurite ti se uno come mi, maridà co na foresta e co un fiolo “mezosangue” el varda la veneticità de origine, rasiale o putanade del zenere!!!
Ma mi vardo la vèneticità de acuizision.
Cuà in Lusenburgo te pol esar bianco, nero, zalo, maron, roso, verde, te pol esar cristian, musulman, ebreo o cuel che ti vol… ma la citadinansa no la te vien dà se no ti parli lusenburgheze… anca se dopo, ofisialmente, anca franceze e tedesco le ze riconosue e se fa de tuto par chi che no conose el Lusenburgheze de gaver tute le informasion che el vole in Franceze, Todesco o Ingleze…. In Comune e inte i ofisi publici in zenere no i driscrimina gnanca se no te conosi una de ste cuatro lèngoe, i te vien incontro, i riva anca a parlate Talian, se servise…
Ma resta na costante che par gaver la citadinansa ti ga da parlar Lusenburgheze.
Mi cuesta no la me senbra discriminasion… se te che pensi bèn, solo chi che se ze bèn integra inte la comunità el gavarà inparà sensa problema la Lèngoa che in sta comunità se parla, che la ze la Lèngoa mare de tuti…
Mi a go dà solo el ezenpio de la Lèngoa, tanto par spiegarme, ma lo steso vale par tuto el resto, parché a ghe ze robe che no le revarda DNA o colore de la pele o religion, ma le revarda la condivizion, lo “status” che se pol acuizire e che el riva co i ani (se uno serca veramente sto tipo de integrasion), ma no le vien dà da che altri, le deventa parte de ti steso, na volta che te vivi in un teritorio, popolà da na comunità, che la parla na Lèngoa, che la ga tradision che par cuanto le pol senbrare stranbe le fa parte del propio patrimonio de Popolo…
… anca ‘l esar de i polentoni… chi lo dispresa no el ga capìo un cavolo de cosa che semo e de chi che semo in cuanto Popolo.
E me fermo cuà.
Bon, a ve auguro de continuar la vostra strada sensa trovar grosi ostacoli, sora de tuto ostacoli vèneti… parché cueli i sarà difisili da superar.
Resto a dispozision par iutarve so tuto el resto, parché come dizevo, se un partìo/movimento venetista el subise na percuizision el ga solo da esar sentire la solidarietà de tuti.
Apunto. Mi preferiso on Bernardini ke ga la volonta’ de inparar veneto parke’ rispeta la nostra identita’, ke i veneti purosangoe ke dispresa la nostra nasionalita’ e lo spirito de rispeto ke ga fato granda la Serenisima.
Scuxè ma el discorso el xe finio so argomenti ca no centra njnte co la raxon originaria, e inevitabilmente vien fora na discusion ca la se presta a eser fraintexa, esendo ca no la xe nata par coel specifego argomento.
Mi no me la sento de discorare in ste condision, e invito a mocarla live.
Istesso par la coestion relativa a Bernardini, diria ca xe mejo metarghe na piera sora.
Ghe sarà tempo pì vanti de capirse mejo.
voler fare na società verta, no vol dire no tegner conto de le propie raise.par quanto mi posa sentir visin un foresto che el sostien la nostra causa, el sarà senpre un foresto, finchè no el garà fati propri certi segni.
el ragionamento veneti= polentoni e ignoranti come argomento par darghe dosso ai aversari politici venetisti no el saria mai sta doperà da un veneto.
e anca l’ultimo ragionamento de pizzati el me pare discutibile: se na bona parte dei veneti dispresa la propria cultura xe perchè ghe xe stà insegnà che cusì va ben, e un sentimento de dispreso da parte de chi dovaria convincerli che le robe xe difarenti el pol esar dannoso.
vedo che ghe xe dificoltà a capirse.
apunto. On Bernardini ke’l xe bon de istituir el primo corso oniversitario in lengoa veneta soto el curriculum dela Boston University me par ke serva a darghe lustro ala nostra lengoa ke xe on patrimonio ke va valorixa’ e tutela’. No come kei polentoni e ignoranti (de identita’ veneta) ke catemo ntei atenei taliani in tera veneta.
Ah, eco on exenpio de on veneto ke da dei polentoni e ignoranti a altri veneti.
No rieso a sevitarve. Par piaxer, nemo distante doparando parole fà coele ca go leto? Capiso ca semo tuti soto presion e semo fiaki, ma uncò sto blog el xe scadesto de level co sti comenti. Me auguro ca par el futuro e ricresa, tornando argomentar sensa doparar stereotipi inutili e a dopio tajo.