de Lodovico Pizzati
St’ano ke vien ła crixi global ła ga da finir anca pai abitanti rento el contenitor Italia. Dopo ver perso on –6% del Pil ntel 2009 se tornarà a cresar a na media de zero virgoła on suco de fruta: ła media mediocre a cui se semo abituà in sti ultimi 10 ani.
Sta ki almanco ła xe ła speransa dei governanti de ITA, e cioè de parasitar in gropa a atività produtive (venete) trainà da l’economia mondiałe. No inporta se l’ospite de sto parasita el xe drio sofegar perdendo colpi rispeto a staltre economie europee. I ne ciuciarà el sangoe fin ke i połe, ciavandose de darne posibiłità de cresita e benesere.
Sta olta però i ga sbalià i so miopi calcołi, parké pasà ła pestiłensa i stati pì sani i se riciapa, e invese i pì fiapi, co masa parasiti in corpo, i tirarà łe foje. Metafore a parte, sto kive xe el problema struturałe ke vedo mi.
El boom economico veneto el ga tacà ntei ani ’70 e ’80. Se tratava de fabrikete naseste drio caxa grasie a l’ingenio veneto e el marcà europeo (se ndava vendar in Germania, miga in Toscana o in Canpania).
L’industria ke se gà sviłupà ła xera parfeta par kei ani: prodoti de cuałità, ma in setori, dixemo, low-skilled. No gavemo prodoto microprocesori o software, roba high-skilled da Silicon Valley, ma gavemo laorà sul tesiłe, sul corame, fato scarpe, legno, metałi, makinari…
A se gavémo speciałixà su setori adati pai laoratori de keła generasion: tanti operai, poki ingegneri, e on misioto de intełigensa e voja de far.
Dopo ghe xe stà i ani ’90, on periodo de falsa cresita parké se gà sevità far skei par via de l’enorme svałutasion deła lira (ntel ’92 ła ga perso el 50% de vałor in poki mexi). Se faxeva skei parké se vendeva i prodoti in lire, ke i xera senpre cuei a pì bon marcà.
L’euro ga meso fine a sta economia drogà, e ła fine deła goera freda ła ga verto a tuto l’Est europeo łe stese oportunità ke ga vuo i nostri inprenditori 40 ani fa. Cina e India łe ga conpletà el cuadreto: col mondo globałe, tuti sti mestieri low-skilled se pol far par tanto manco da altre bande.
Par tante dełe nostre inprexe ła globałixasion xe stà na gran oportunità. Se gà tacà produr fora dała Venetia par manco, mantegnendo łe reti de vendita. Łe alternative łe xera do: o se se ingrandiva (produxendo a l’estero, parké kive no convien pì gnanca morti), o se sarava. E tante inprexe picenine łe ga tirà vanti fin ke no xe rivà el colpo de grasia de sta crixi finansiaria.
Pasà sta crixi se trovaremo co on numaro ridoto de dite, ke magari ntei ani łe xe deventà anca dełe multinasionałi ke dà laoro a managers veneti, ma ereditemo on mondo difarente dai ani ’70 e ’80. Ła magior parte dei toxi de ancó i xe laureà e no ghe xe mia ła stesa cuantità de posti da manager come ke ghe xera na olta pai operai.
A ghe vol na svolta par no deventar ła nova Albania, e de sto paso ghe rivemo fra na diexena d’ani a esar i pì poareti d’Europa. No podemo mia incontentarse dełe industrie low-tech ke gavemo concuistà co ła generasion pasà. Ła nostra generasion ła ga da butarse su łe industrie high-tech, par dar laoro e on futuro ai nostri xovani, parké no ghe xe pì veneti soło contadini e operai.
Come rivarghe? No basta mia ła bona vołontà. Se vardemo dove ke łe nase łe dite tenołogike, de hardware, software, e de nano-medicina, vedemo ke łe vien tute fora in tandem co anbienti universitari de prima categoria.
L’anbiente universitario no serve mia soło par sfornar titołi de studio, ma el ga da esar on centro de ricerca, l’ingrediente ała baxe de na industria high-tech. Co ke łe università funsiona, łe xe łe dite stese a finansiarle. Łe università taliane łe ga fato l’oposto par ła nostra economia, na forsa centrifuga statałista ke ga fato scanpar i nostri mejo servèi.
Donca, serve dite high-tech par finansiar ricerca de cuałità, e serve ricerca de cuałità par far naser dite high-tech. Ne riva prima el vovo o ła gałina? Rento el contenitor Italia, nisuni dei do, ma na olta destrigà da sto incubo de stato, eco na riceta par rilanciar ła nostra economia.
Come ke ga fato l’Irlanda vinti ani fa, sbasemo łe tase (inposibiłe soto el taco de l’idrovora ITA) par agevołar łe inprexe. Na olta persa ła reputasion de inferno fiscal podaremo atirar anca multinasionałi foreste.
Parké no on Google Campus a Venesia? E on centro de nano-medicina a Padova? O ‘n incubator de aziende de energia alternativa fra Verona e Bresa?
Na olta indipendenti dai nostri cołonixatori gavaremo łe risorse par sbasarse łe tase e crear on ciclo virtuoxo de cresita in setori adati ała nostra forsa laoro high-skilled. Ghe vorà pì de na cuindexena d’ani par riciaparse e sviłupar nove industrie come ke ga fato ła vecia generasion de inprenditori veneti.
Se takemo co l’indipendensa ntel 2012, entro el 2030 saremo da novo el top d’Europa e del mondo.
Lodovico Pizzati
PNV
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
New blog post: Risorgimento Veneto http://bit.ly/GPCoM
A xe proprio cusì! E come dexmentegarse ke co sti ciari de luna el consilio regional del Veneto, presiedùo dal leghista Marino Finozzi el gà pensà ben de butar al vento, o mejo a Roma, 7 milioni e mexo de euro pa rifar el sito internet: http://www.pnveneto.org/2009/03/il-consiglio-regionale-del-veneto-regala-7-milioni-e-mezzo-di-euri-dei-veneti-ai-foresti-di-roma/.
Ste risorse podeva esar un volano par el nostro setor web Veneto e invese se gà preferìo portar fora un lavoro, a presi astronomici.
Gentile Pizzati, l’articolo è molto bello.
Desidero integrarlo con alcune considerazioni.
Ipotizzare che la rinascita economica del Veneto sia possibile solo grazie ad attività high-tech rischia di essere un wishful thinking visto che nessuno può prevedere su quale terreno ci muoveremo nei prossimi anni. E comunque dal mio punto di vista ci sono attività low-skilled che implementate, non semplicemente dall’high tech, ma da un profondo rinnovamento culturale, possono acquisire nuovo valore e sono più in linea con le attitudini e i sentimenti costitutivi dell’identità veneta. Detto questo, temo fortemente che in Italia la crisi si avviti su se stessa e il combinato disposto di debito pubblico, sperequazioni territoriali, pressione fiscale e assenza di leadership efficienti renda problematica la tenuta sociale. Questo pensiero è sorretto anche dalla considerazione che quando crollarono i paesi dell’est blocco sovietico, la ripartenza fu pilotata da una classe dirigente che si era formata all’interno dei partiti al potere, a conferma del fatto che i sistemi politici oggi non sono scalzabili da nuove forze politiche. In Italia questo è ancora più vero, perché non c’é una concreta alternativa sul terreno. Per questo temo che la crisi economica possa produrre una crisi sociale drammatica dagli esiti imprevedibili. Lo si può vedere già. Noi Veneti, siamo un come quelle rane bollite vive che si accorgono della fine che spetta loro solo quando ormai l’acqua è troppo calda. Una realtà economica come quella veneta, dovrebbe superare meglio la crisi di molti altri. Produzioni di nicchia ad alto valore aggiunto (nel Veneto), contro produzioni che hanno un senso economico solo in virtù di numeri elevati di vendita. Ma il mondo non può continuare a comperare cose che non servono solo per tenere in piedi il mercato. La crisi finanziaria è il portato di una crisi strutturale del sistema e non viceversa. Al prossimo giro (2010) ne sapremo più di oggi, purtroppo però, non sta a noi distribuire le carte.
Me staga ben
Alessio
Low skilled or low tech? La dicotomia no la xe banale. Quando se parla de high-tech se pensa sempre a robe ca le và drio a computer, telefoni, evc.; invese high-tech podaria eser anca la produsion de ceramike, par exempio piati in ceramica (artistega) rexistente ai sbècamenti. Unendo arte a tecnologia.
Però la idea ca la crixi la sipia dovesta a la produsion de prodoti finalizà solo a mantenjer el marcà, la xe on grave eror de valutasion parke el xe pompà [biased] da na vixion ideologica de la economia, dato ca no ghe xe evidensa ca sipia coesta la cauxa de la crixi, ca invese la xe dovesta da abuxo de la speculasion finansiaria: on mega skema ponzi!
Dognimodo concordo so la idea ca serva on rinovamento culturale, ma co se parla de high-tech, se parla proprio de cambiamento de cultura de el sistema produtivo (e educativo).
Mi vedo na mucia de superficialità inte la realizasion anca de le robe pì banali (e low-tech). La concorensa la xe anca coesto: no se pol far on prodoto ca se dixe de “alta qualità” quando le procedure de produsion e creasion le xe paragonabili a coele ca i fa in Cina. No xe posibile ca crompo na scatola de ciodi par legno e li cato onti de graso negro de lavorasion (ca me sporca el toco ca stò par inciodar). No xe posibile far on novo prodoto e parar su sensa preocuparse de pensar a tute le posibili aplicasion parke se trascura de securo dei punti deboli. In sto modo par exempio vien fate le makine Fiat, ndo se te le dopari in modo impensà da el projetista (ma prevedibile) le se spaca, par exempio ca te cola rexina de pino so el véro e intorcola la mechanica de motorizasion.
El problema veneto, dopo esarse libarà da el pèxo de le tase e de la burocrasia ca frena la libara inisiativa, el xe anca coesto: libararse de la superficialità de el “parar su”.
Difati no semo mia tanto distanti da la situasion intuibile da la famoxa registrasion telefonica dei frighi de la dita “barcaro” ! 🙂
El suco del discorso xe ke naltri veneti gavemo da al mondo on Federico Faggin (inventor del microprocesor), e on Massimo Marchiori (inventor de l’algoritmo ciava’ dai do de Google).
Se ghe fose sta la Serenisima ghe saria sta’ le condision par far fiorir na industria inpiena’ de ingegneri intorno ale nostre menti. Invese ai nostri servei ghe toca ndar altrove par catar le condisioni par produr inovasion.
A Lodovico. Messa così sembra che l’indipendenza del Veneto si legittimi perché abbiamo dato al mondo Faggin e Marchiori. In altre parole parchè semo bei e bravi.
Così si perde di credibilità. Intanto fin qua ci siamo arrivati con l’utopia del lavoro autonomo e il sistema delle microimprese. QUesto è l’albero su cui siamo seduti e va tutelato e non segato. E’ tutto da dimostrare che ci salveranno gli ingegneri e tutto quello che questo significa. Secondo, ghemo anca generà schifese. Pensa a Fusaro e Masi tanto par dire. Pensa a quelli dello scandalo del vino al metanolo, pensa a tutti quelli che per anni hanno scaricato cromo nelle falde a 2 passi dal Brenta, a quelli che si sono fatti passare per nullatenenti per essere esentati dalle prestazioni mediche. Pensa alla fuga del Doge davanti ai francesi con il popolo che voleva opporsi. Certo che indipendenti faremmo meglio. Certo che qui il saldo tra “buono e cattivo” resta in attivo ma i motivi che rendono giusta questa richiesta non possono essere questi.
A Claudio.
Seguo con interesse l’attività di InnoVEtion Valley. Sostengono, dati alla mano, che il Veneto è l’area al mondo con più creatività per metro quadrato. Dappertutto ci sono quelli che “i para su” ma qui quelli bravi sono molto di più già adesso.
La crisi vittima dello schema Ponzi?
A me non pare. Mi sembra casomai che le fondamenta della crisi siano nell’aver fatto della Cina la fabbrica dell’occidente a un ritmo forsennato con la conseguente perdita di posti di lavoro qui da noi. …..e dopo un fraco de altre robe.
[…] giorno in uno stupendo articolo, Lodovico Pizzati mostrava come la possibilità per il Veneto nel ritornare ad essere una […]
Ok, alora metemola cusi. Anca sensa generar Faggin e Marchiori, co on sistema san se atrae i mejo servei ke vien fora da altri posti.
Invese co industrie low skilled co la globalixasion gavemo atrato operai ke vien da altri posti.