GaxetaVeneta intervista Ghiotto

tólto da GaxetaVeneta.com

GAXETA: Par còsa te sìto candidà?

GHIOTTO: A so stà urtà farlo, no xe na me gran asipirasion, lo faso co senso de doèr.

GAXETA: Par còsa inte’l pnv?

GHIOTTO: Parché el xe el unico partito ca el ga on obietivo ciaro, unico, e dei principi fondamentali centrà so el rispeto de la persona e la libartà, ca condivido pienamente.

GAXETA: Par còsa on eletor gavaria da votarte?

GHIOTTO: Promovo na idea de redusion drastica de el rolo de el stato quale unico mèzo par restituir la sovranità a le Persone, eliminando caste e partitocrasie co la so coa de parasitixmi, e co coesto la redusion se no eliminasion de le tase rimetendo ai citadini la decixion de cossa farghine de i so skei.

GAXETA: Par còsa ti e no i altri candida’: in cosa sito mejo?

GHIOTTO: Son simpatico!

Skersi a parte, parché uniso do virtù: eser promotor de na idea libartaria, e eser al tempo isteso concreto e pragmatego, consapevole ca intel intervalo tra deso e la independensa ghe sarà da sfrutar tuti i mèzi a dispoxision, e oltre.

GAXETA: Sa xèli i to programi de canpagna par vincere le primarie, primo, e par vìnsar le elesion rejonal, Secono?

GHIOTTO: Presto prexentemo on programa a schemi ca jute le persone capir i nostri obietivi, e i potensiali rexultà ca se podaria ver, difondendolo par Internet, video e incontri publici; ciapo ansi la ocaxion par dir ca faremo on itinerario de conferense specialmente orientà par coeli ca lavora e investe, ndo co numari in man mostraremo ndo stemo nando e ndo podaresimo nare co le nostre proposte.

————————-

A le primarie vota CLAUDIO GHIOTTO

Popularity: 1% [?]