Grassie a cuei xoveni ke me vedo intorno e ke i xe mejo de mi

Da uno scambio mail interno al Minor Consejo del PNV.

Giane dise: “ciao a tuti, e grasie par tuto cueo che faxè par el PNV.”

geremia-agnoletti

Geremia Agnoletti

caro Giane, no son in grado de acetar i to ringrassiamenti.

Son mi ke voio eser libero, son mi ke voio darme un futuro (…. diria “cualsiasi” … parkè coi tagliani, son sicuro de non verghene), sperando de darghelo anca a me fioi, nevodi futuri e proxime 10 generathion.
Son mi ke no saria bon de liberarme da mi sol. Cuindi son mi, omo veneto, ke ringrassie tuti voaltri par laorar al me fianco. Son mi ke ringrassie el PNV, el LIFE, i Veneti, i Serenissimi, Raixe venete ke me mete intorno un grupo de omeni ke no se piega mai e i strumenti pì potenti ke existe: la me Tera, la me Xente, la me Identità, la convinsion de eser nel Giusto.
Ma ringrassie anca el singolo ke me dise “..brao, tien duro..!”. (anca se nol fa un casso).

20 ani fà go scumissia sto percorso de Libartà.
Prima jero superficiae e menefreghista.
Prima ciapavo na fraca de schei, no gavevo fameja, jero pien de gnoca, de Porsche, de tenp libero, de sport e de viaji.
I me invidiava squasi tuti (trane i miliardari co pi gnoca e Ferrari).

Ades go manco tenp, son sensa schei, me basta me femena e me fioi, laore co poca sodisfasion, e go na fraca de casini coa giustisia penae e fiscae tagliana.
… no me invidia nisun.

Prima vivee par el presente, ades sgobe par el futuro. Ke gabia sbalià tuto?

NO! Ades son forte, ades son drio costruir, ades go sodisfasion de star in mezo a xente ecesionae (anca a cualke rompib…).
Ades son drio viver la me mejo xoventù (col vantajo dei cavei grisi).

Grassie lo digo mi a cuei xoveni ke me vedo intorno e ke i xe mejo de mi.

Geremia, co fioi e futuri nevodi, Ve ringrassia Tuti. WSM

San Vendeman, Trevixo, 6 de otobre 2009

Geremia Agnoletti

written by

The author didn‘t add any Information to his profile yet.
Related Posts