Deja Vu Adriatico

winds of change

  • El 30 Dicenbre 1988 el primo ministro jugoslavo Branko Mikulic el se dimete par via de gravi difarense economiche rento on paexe che varia dala Slovenia a la Macedonia.
  • L’ondexe de Zenaro 1989 l’Unione Democratica Slovena, el primo partito indipendentista de tuta la Jugoslavia xe stà fondà.
  • El venti de Magio 1989 a Zagabria el partito indipendentista Alleanza Social-Liberale Croata xe stà fondà.
  • El 9 de Marzo 1990 el parlamento de Lubiana el dichiara l’indipendenza “economica” dela Slovenia. Co le elesion politiche a Zagabria e Lubiana i partiti indipendentisti i stravince.

Alora Milan Kucan el xera el presidente sloveno, dopo na longa cariera rento el partito comunista jugoslavo. Però l’opozision controlava el parlamento, co Lojze Peterle come primo ministro e Dimitri Rupel come ministro dei esteri.

Kucan, Rupel e Peterle i xera dacordo che la strutura politica jugoslava la gavea falio, ma no i xera mia dacordo sul futuro sloveno. Par Kucan l’indipendenza la xera fora discussion, mentre Peterle sugeriva na confederasion solo fra Slovenia e Croazia. Rupel el faxeva notare che l’unica roba jugoslava che rimaneva a xera l’exercito e consejava de far su na difesa slovena.

Dopo in manco de un ano (1991) la storia la ga acelerà e la Slovenia la ga otegnù la so indipendenza. La xe stà l’opsion gnanca considerà, ma el tempo ga dimostrà che xera la mejo de tute. Dopo gnanca 20 ani (entro el 2010) i sloveni i sarà mediamente pì richi dei taliani.

Intanto, nte staltra banda de l’Adriatico, dopo gnanca do deceni la storia la par ripetarse. L’Italia la xe economicamente a tochi. La ga el pezo debito publico d’Europa (120% del Pil), el pezo deficit (5% del Pil), la pezo recession (-6%). La xe geograficamente e economicamente tanto pì eterogenea che la Jugoslavia la xe mai stà. El primo partito indipendentista veneto el xe nato ntel 2008, e pa’l 2010 ghe sarà na elesion regionale.

Deso gavemo solo che da sentarse e intivar chi che sarà el Kucan veneto (la vecia guardian politega contro l’indipendensa), chi che sarà el Peterle veneto ( el politego inamorà de na federasion a la padana), e chi che sarà Rupel (chel che ga notà che i carabinieri i ga la bruta abitudine de ricatar politici).

Co la Slovenia, el presidente Bush vecio xe stà ciapà de sorprexa e no ga colto da subito el vento del canbiamento. Vedaremo se el presidente atuale del change el xe pì visionario.

Filipo Dal Lago
Partito Nasional Veneto

written by

The author didn‘t add any Information to his profile yet.
Related Posts