Commenti a: Programa Economico PNV

Di: TheVenetist

TheVenetist — Wed, 09 Feb 2011 17:27:24 +0000

bene, però magari se si tagliasse un po di più l’eccessiva burocrazia……in ogni caso, il veneto cameperbbe anche solo evitando di fare sperperi come quelli italiani

Di: Il Programma economico del PNV | PNV. Partito Nasional Veneto

Il Programma economico del PNV | PNV. Partito Nasional Veneto — Wed, 10 Feb 2010 12:42:37 +0000

[...] in lingua italiana dell’originale articolo pubblicato da Lodovico [...]

Di: glpanto

glpanto — Mon, 08 Feb 2010 17:30:03 +0000

Aprovo el programa!

Presto parecieme che FIRMO.

Indo marco ?

Di: massimo

massimo — Mon, 08 Feb 2010 17:01:47 +0000

xe mejo non doparare detrasioni parchè par far i conti dopo bisagna andar da un comercialista…. ^_^ e mi non gò simpatia par lori )))))

Di: Lodovico

Lodovico — Mon, 08 Feb 2010 16:45:04 +0000

Par conbatar el monopolismo del setor de distribusion xe mejo farlo diretamente invese che indiretamente coi xugheti dele tase (che ala fine ciapa in ostagio i schei del citadin).

Par exenpio parche’ in Italia i distributori i xe pi coluxi (che in altri paexi)? Eco, co on novo stato veneto podaremo anca far riforme giuridiche (e no solo economiche) e far si che rive conpetision da distributori de altri paexi europei (ex Italia incluxa). Ma supiando su la conpetitivita’ sto problema se risolve. Basta ver on sistema legale lubrifega’ che bacheta i furbi. Xe de sicuro pi fasile farlo in te on paexe pi picenin e eficente.

Di: claudio

claudio — Mon, 08 Feb 2010 15:45:08 +0000

Par via de la detrasion de la IVA, a son d’acordo ca la xe na roba on fià makinoxa e poco pratega. D’altra parte me figuravo la necesità de mantegner alta la presion so la distribusion, ca uncò la ghe cava rexorse a la produsion, però efetivamente a xe sbalià nar far manipolasion so el marcà. Mejo ca le industrie ca le fa produsion le se cata na via de marcà reduxendoghe el carego burocratego-aministradivo. Magari podaria butar doxo on sboso so coel tema.

Di: claudio

claudio — Mon, 08 Feb 2010 15:35:17 +0000

Ahn, ok, no me xera ciara la to poxision aprosimativa. No so dir, si, se no el ga altri rediti groso modo dovaria eser 27% so el redito lordo da lavoro, a cui se zonta nantra bela slepa de tase contributive e sociali (es. i contributi par le caxe popolari).

Di: lodovicopizzati

lodovicopizzati — Mon, 08 Feb 2010 14:58:01 +0000

verbo pagare. Go rileto, no no, doparavo el futuro parche’ xe na aprosimasion. “No so de precixo, al momento el pagara’ on 27% de tase” Giusto? Dopo se te me confermi che uno ke in neto el ciapa 1200 franki al mexe el paga el 27% alora canbio.

Di: lodovicopizzati

lodovicopizzati — Mon, 08 Feb 2010 14:55:33 +0000

Xe vero ke se l’IVA la va xo al 15% no vol dir ke tuti i presi i se sbasa del 5%. No volevo apexantir el testo co sto detalio e te ringrasio par la domanda cusi poso far ciaro.

Cuanto ke se rifletera’ su un calo dei presi e cuanto ke ndara’ in scarsela al comerciante dipendera’ dal grado de conpetision nte marca’. L’atuale setore de distribusion talian el xe molto coluxo elora a xe vero che grosa feta no fara’ altro che slargar i profiti.

Pero’ lasarla al 20% e detrar 1/4 no me piaxe. No me piaxe tegner in te’l tacuin tuti i scontrini de tuti i cafe’ ca togo par dopo scalarli a fine ano.

Preferiso sbasar al 15% par tuti e dopo lasar che ogni provincia la fasa come che la vole (alsar; sbasar; detrar…). Controlar el nero in Veneto no xe na priorita’ parche’ secondo le statisteghe gavemo on livelo de evaxion da paexi scandinavi, e po’ manco te tasi manco inentivo a evader.

Di: claudio

claudio — Mon, 08 Feb 2010 14:16:01 +0000

Coesto el xe on dei pì gran beli articoli ca go mai leto da ti, Lodovico!

On paro de oservasion:

“Vol dir che l’IVA ła vegnarà sbasà da l’atuałe 20% a on 15%.”

Opure, semplicemente se pol dir ca 1/4 de IVA pol eser detrata da le tase, quindi la IVA la resta al 20%, impedendo ca i comercianti no ghe fasa la gresta insima (tanto co na diminusion de tase generalizà i gavarà isteso margine par mejorar i presi), e ghe xe on otimo strumento par crear on conflito de intarese tra aquirente e venditor tale da scorajar la evaxion fiscal: se mi da on lavoro poso detrarme el 25% de la IVA pagà, me farò far fatura de securo parché me convien, e in sto modo sparise el nero, evitando fastidioxi e iniqui sistemi fà i “studi de setore”.

“El nostro operaio del punto precedente al momento el pagarà on 27% de tase sul so stipendio.”

In sto pasajo a penso ghe xe on eror de batidura, el verbo el sarà: “el paga” e no “el pagarà”, justo?