giorno 45
Contiamo i soldi che l’Italia ruba ai Veneti, a partire dal giorno dell’elezione di Luca Zaia a presidente del Veneto.
- giorni passati dall’elezione di Zaia: 45
- soldi rubati dall’Italia al Veneto: € 2.465.753.424,66
Secondo Voi, se tenuti in Veneto quei soldi nostri rubati dall’Italia ci avrebbero aiutato a risolvere qualche problemino? A migliorare qualche ospedale? A fare qualche opera pubblica? A dare qualche soldo al sistema scolastico veneto in profonda crisi?
A voi le risposte, mentre, nel frattempo, auguriamo al nuovo presidente e a tutta la squadra di governo del Veneto un in bocca al lupo, invitandoli magari a ripassarsi un pò di storia veneta!
Staff PNV
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
Sarie bel metar da ndè ke le stat ciot kei skei.
Satu ke fadiga krederghe se no 🙂
ora lo metto come post, e ogni settimana aspetto il vostro conteggio per pubblicarlo! Se entro gennaio 2011 non siamo regione autonoma e federalista, scatta la rivoluzione PNV! Saremo 6226, ma pronti a farci sentire! Continuate per noi PNV!
Però na roba boce.
Noi dovon kostruir al Veneto de ‘l doman.
Sta roba kostarà tanta fadiga, ne ciaparà tute le forzhe.
Butarghen via par cenar de ocio ke altri par kritikarli le sprekade, pense mi.
mi par la prima volta son ndà a votare contento de queo ca fasevo! Convinto de votare par dela brava zente con le idee ciare in tea testa! Grassie PNV per sta occasion, spero che la podarà ripetarse!
te gà raxon Belumat, ma kuà no l’è tenpo sprecà a tendar de ocio st’altri partiti, ma ver cosiensa de cuanti skei i ne cava dale scarsele sensa gnanca che se acorxemo. Magari canbiaremo el titolo sel pol trar in ingano: idee?
el ladro in foto me pare masa sinpatico… bisognarìa meterghene uno più losco… par dare l’idea dea maniera subdola con cui i ne roba i schei
ti ga rason Davide!
CIò SE POLE MIA AGIORNAR TUTI I Dì CHEL CONTATORE ?????
Pense ke sie fadiga rivar a ajornarlo tuti i dì, ma sarie bel ke ‘l gnese ajornà almanko ogni mese o ko le kalke pasajo signifikativo.
Podopo robe da far ghe ‘n sarà sikuramente tante, ma sarie bel, kome ke sarie bel takar a i skei na motivazhion.
Vedaron dai
No sta canviarme l’omeneto. Mi me piaxe sto kive.
belumat: par mi invesse el dovaria ndare su come el contatore dei litri dea pompa dea benxina cussì co te vedi come che el va su te ciapi paura….
mi no són mia esperto ma con el Flash se podarìa far on contadón che el xónta on tot de schèi par ogni dì che el pàsa.
Xelo un contantor che se auto-aggiorna o faxi tuto a man ogni volta?
In ogni modo, visto che col tempo sto post ndarà via dala prima pajina, no se podaria metere el contatore su la sidebar in modo che el reste senpre ben in vista?
L’è on aplicasión flash, donca el intervàl de agiornamento l’è automatego. Par farse na idea te pól vardàr
http://www.satisfaction.com/christmas-countdown-generator/
Sti chì i è contadóri par Nadàl en formèsto FLASH, ma el mecanìsmo l’è gualivo.
@ Frà:
Go prexente e aplicasion flash, mi però intendevo el contatore che ghe xe su sto articolo (a jera na domanda al’admin… col consejo de metarlo sula sidebar cusita el saria senpre ben visibile anca inte i prosimi mexi)
Basta far el contator co na funsion senplice PHP che fa on contegio ogni volta che vien ciamà la pagina. Pi o manco:
TOTALE SCHEI ROBA = (DATE( ANCO() ) – DATE ([el di de riferimento]) ) * [I SCHEI ROBA OGNI DI].
Par piaxer metì anca i schei che ne xe sta robà in 15 ani de ditatura Galan prima.
So dacordo co Giane che ocor progetar el futuro sensa vardar i altri.
XE STUPIDO BARUFAR E PERDAR TENPO A OFENDERSE TRA LEGHISTI-PDV-PNV. I VERI NEMISI XE I NAZIONALISTI ITALIANI DEL PDL-PD-UDC.
Zaia e el so grupo de laoro ga el conpito inportante de far cresar la conosensa, la cosciensa e l’orgoglio de esar veneti co la cultura e rento le scole.
Parche altrimenti la gente resta convinta de esar italiana.
Zaia co 20 consilieri so 60 no podarà asolutamente portar proposte de independensa in Consejo Rejonal: le sarà boicotta da tuti staltri (tanti i ga forti interesi personai che li liga al stato talian).
I indipendentisti de la Lega, del PDV o del PNV i ga da studiar, discutare e progetar come sarà el futuro stato veneto, dopo l’independensa.
Parché ocor nar da la gente a spiegarghelo e far in modo che la gente la taca a pensar e rajonar e discutar sol dopo, come fuse na roba normal.
Se tanta gente se abitua a parlar de independensa come na roba drio la porta alora se inesca el mecanismo par otegner l’independensa.
NO SE POL DOMANDAR L’INDEPENDENSA SE LA GENTE AL 95% LA SE SENTI ITALIAN E NO LA VOL E LA TEME!!!
Xorxi
@Xorxi: Ghe xe i dati, circa 168 miliardi de euro dal 1996 al 2010.
Cambiar i sentimenti de la zente xe na opara longhissima, però a go la prova ca cambiar la poxision politega (e la independensa la xe anca e soradetuto na sielta politega) basta on mucio de manco.
A te serve cambiar i sentimenti se te crei na bariera tra i popoli, no la te serve se no te crei bariere, ma te evidensi li intaresi.
El xe a me parere on eror pensar de vedar la independensa fà na diferensiasion nasionalista de tipo masa identitario e sentimentale parché, ben o male ca sipia, coesta la xe na era in cui le persone le se sente verte a le posibilità de interasion co la europa e el mondo.
Vien invese ben capio el intarese economego e de gestion politega. Par coesto la zente te parla magari de autonomia, sensa capir ca el tipo de autonomia de cui se ga de necesità la xe la independensa.
Coesti xe i elementi so cui bater el ciodo. Anca parché el riscio el xe ca on doman no te te cati dal fogo ala bronsa.
Mi digo che se ve fusse leghisti disponibili al confronto saria na bona roba…ma fin che sento xente come la Dal Lago in teevixion stamatina a Canae Itaglia che la parla co na supponensa parchè desso la Lega ga vinto le elession….e i sistemarà tuto lori…uuuu ,mamma mia !
Zaia gà xà fato l’eror de parlar de pilola abortiva RU486 col solo scopo de ingrassiarse ea Cesa Veneta. E xè stà xà costreto a rientrare nei ranghi da Roma…questo xè emblematico ! I problemi del Veneto xè altri. A vojo vedare cossa che succedarà con lo Statuto Regionale: pronti a manifestare contro il governatore se si azzarderanno a toccare ” Il Popolo VENETO”. Questo no xè el modo de governar in maniera moderna…me despiaxe proprio !
[…] si piega alla voce del padrone, pronto anche oggi a portare a Roma l’osso dei quasi 55 milioni di euro rubati ogni giorno al Veneto dall’Italia. “Ci vuole qualcuno che stringa, cioè il Governo, e […]
el problema no xe el script che xe el steso de http://www.republicaveneta.com/. Xe che no rieso a far partir lo script nela sidebar e i plugin pa far exeguir script i xe tuti veci e no agiornai al’ultima version de wordpress. Pa far el flash son d’acordo che se pol far, ma bixogna catar uno che sipia bon de far un filmatin, le me conosiense le xe limitae, no son un programator…
Par Claudio.
el fato xe che se te la meti solo sol piano fiscale-finansiario nesun te darà mai la raxon fora dal stato italian parché te si “italian” elora te ghe da sotostar a le regole “democratiche” del to stato (l’italia).
Se invesi te la meti sol piano identitario: mi so on popolo distinto, parché go na storia, go de le tradision mie uniche, go na lengoa mia unica, (nialtri no podemo vantare geni unici parché semo masa smisià), alora go el dirito de autogovernarme, do el dirito de aver le me lexi, go el dirito de aplicar le me tase.
Nesun stato estero pol riconosar na SECESION tra do parte del popolo italian. Invese el dirito internasional parla de POPOLI distinti. Se te si popolo distinto te vanti diriti e te poi acusar l’altro de OCUPASION, de RASIXMO, de VIOLASION DEI DIRITI UMANI, de NEGASION DEL DIRITO DE PARLAR (e scrivar) LA TO LENGOA MARE ecc.
Ma finché el me popolo se ritien prima de tuto italian no te ve da nesuna parte.
PRIMA OCOR FAR TORNAR A ESAR VENETI la nostra gente.
Ocor esar nialtri, pensare nialtri come fusimo on popolo distinto e diverso che rifiuta le regole de on altro poplo ciamà italian parché no le riconose e vol le sue.
Par Giane.
Basta far on script in PHP e metarlo rento inte la sidebar o mejo, intel codice che genera la sidebar.
La xe na trojada.
Se go on atimo de tenpo te lo buto xo mi.
PS. ma Palmerini xe deventà on to fans??
lo gò xà el script php, no vojo modificar la sidebar nel template, parché dopo me toca tegnerghine tracia co gò da agiornarlo. Vojo un plugin agiornà (cuei che gò catà i dà erori), che permeta de inserir el script php su un widget
a) roba tecnica: No serve on script php, basta ficarghe rento on iframe ca el liga a na pagineta co rento el codexe ca xa gavevo invià. Quindi nisun riscio de rovinare la pagina php.
b) coestion identitaria: no xe vèro coel ca te dixi. Intei tratà internasionali dixe ai sotoscritori ca ogni popolo el ga dirito de autodeterminarse, e el dixe anca ca nisun popolo pol vedarse sotrate le so rexorse, e nantri vegnemo derubà ogni àno de el 30% dele nostre rexorse. El popolo el deventa popolo in do secondi quando el capise ca finalmente no el pol eser pì ciavà.
La scarsela la ga sempre moso le rivolusion, sempre, sensa ecesion.
El resto xe discorsi da filoxofi.
Ciao.
Claudio, varda ke me sa ke ti te gabi travixà cuelo ke voleva dire Xorxi… o so mi a no gaverlo capio.
No penso ke Xorxi el fose drio fare el discorso ke ti te ghe riprexo dixendoghe ke no xé vèro cuel k’ el ga scrito.
Xorxi parla de cuestion identitaria par identificare el Popolo (vèneto) difarente da cuelo italian… tuto el resto el vien e conseguensa.
El te ga fàto anca el exenpio “Nesun stato estero pol riconosar na SECESION tra do parte del popolo italian. Invese el dirito internasional parla de POPOLI distinti.”
A so pena tornà da un incontro co veci amighi ke conoso da cuando ke jèro bocia… e poso dirte de cuanto ke a me parere le sipia vere le parole scrite da Xorxi… Uno de i me amighi el me dixeva propio cuesto ke lu no ‘l vede difarense tra i vèneti e el resto de i italiani… e cuindi el concludeva ponendome la domanda/afermasion ke “se vojo ke le risorse vènete le staga in Vèneto alora bixognarà avere a ke fare co tuti i italiani, parké italiani semo noaltri e italiani i xé ke altri”
Cuindi a go capio ke co el me amigo prima oncora de spiegarghe ke noaltri ghemo el dirito de autodeterminarse in cuanto Popolo a go dovesto partire da un mucio pì lontan, par spiegarghe ke identitariamente noaltri e i italiani semo difarenti e ke cuindi semo Popoli difarenti e ke xé cuesto ke ne autorixa a fare tuti ke altri discorsi.
Concordo co Xorxi ke ghe sipia da fare un groso laoro cultural-identitario par farghe capire a i vèneti ke i ga un dirito de autodeterminasion in cuanto vèneti e cuindi Popolo difarente da ke altri popoli prexenti inte la Penixola Italica.
Andrea, grasie par el comento. Probabilmente me son spiegà male e te me lo ghe evidensià.
Coel ca volevo dir xe ca la scarsela comanda. Te catarè anca coeli ca ragiona come i to veci amighi, ma xe caxi anedotici. La magioransa co la se incasa sul serio la rabalta tuto e no la varda pì in facia ninte. Par la scarsela el on deventa anca tibetano dal on dì a coelaltro. Se ga da eser realisti quando se fa serti ragionamenti e el realismo ne dixe ca sempre, invariabilmente, in tuti i eventi de la storia, quando se ga spostà el punto critego da A a B de el fatore minimo de scostamento se provoca la valanga da cui ghe xe ireversibilità e le persone le ciapa in man el so destino.
I popoli, i vien dopo. Tute ste teorie del dirito le xe solo so la carta. Tanto a xe vèro ca ala fine existe el principio de efetività.
Se te lo vardi ben, sto “principio de efetività” el xe on eufemismo par ametar ca se ga da arendarse ala evidensa.
El realismo vinse, ala fine, al punto da scrivarlo negro-so-bianco e darghe na patina de teoria ciamandolo “principio”.
P.s. Zonto na nota. Son d’acordo anca mi ca la zente no la ga el sentimento de identità. Mi co la ocaxion de le elesion go incontrà e parlà insieme a na mucia de zente, ma davero tanta. A xero riusio catar fora on modo sintetico e rapido par prexentarme e prexentar el projeto de el pnv, co na discreta eficacia, al punto ca credo almanco el 80% gaveva capio suito el conceto e el obietivo, visto ca i me faxeva domande aproprià.
Da coesto a go ricavà de le impresion. Penso ca almanco el 50% de le persone le sente na identità veneta, prima de tuto. De manco intel venesian, par asurdo, ndo i ga pì in testa on mondialismo ca li confonde e li mete in crixi, sparo on 30% de zente ca sente la identità, el resto o i se sente itajani o i xe confuxi (la magior parte de coeli ca go incontrà).
Da le me bande se và da el 50% a punte de el 70% a spane.
El campion so el venesian el xera ridoto a presapoco na cinquantina de persone, donca semo a level de anedoto.
El campion da le me bande el xe intorno ai 1000 e distribuij intel teritorio e par varie estrasion de la società. Donca el xe on mucio pì atendibile, anca se no go tegnesto dati né fato domande, insoma gnanca coesta la xe na vèra statistega.
Lo go dito. Le xe impresion.
I numari eletorali dopo i dixe e no i dixe.
Credo ca no gavemo ancora na situasion esploxiva, ma no ghe semo mia distante.
La impresion però ca go vesto la xe ca la magior parte de le persone le ga na concesion de eser citadini-suditi e xe ben distante la concesion de eser citadini-sovrani. Anca parché saria dexà capità on rabaltamento a sta ora.
E coesto xe coel ca mi me preocupa de pì. Coesta mentalità la xe dura da cambiare, de pì de coela identitaria. Sensa cambio de mentalità le robe le podarà anca cambiare on fiatin, ma la sostansa la restarà la istesa.
Claudio… penso k’ el punto el sipia porpio cuelo ke ti te ghe evidensià:
<>
E credo ke Xorxi el volese propio dire el contrario.
Volendo esare praticoni:
1) Volemo ti, mi e Xorxi ‘ndare a un referendum par dimandarghe a ‘l Popolo Vèneto se ‘l vol autodeterminarse? SI
2) Come xé ke te justifiki ‘sto referendum ke se fàto (autonomamente o co l’ OK d’ el Stato italian poco inporta) e pasando el SI el daria forsa a ‘l Popolo Vènto? Parké noaltri no semo italiani e noaltri volemo dire la nostra in cuanto Popolo.
Tuto cuà…. Dapò, se par smovare le cosiense de la xente te ghe parlarè de skei e de portafolio… tanti i te dirà ke anca altri Partii italioti le dixe le medeme robe (manco tase, loaclixasion de i fianasiamenti publici, evc evc)….
…. Ma par poder fare el referendum, concretamente te invitarè el POPOLO VENETO a dire la sua inte la cabina eletorale referendaria… e no tuti i italiani.
Sensa identificasion d’ el Popolo Vèneto (come identificarlo la xé n’ altro pèr de maneghe) i te diria ke no te gavarisi motivo de fare un referendum… parké te sì italian e te pol movare le to istanse sora i skei, le tase, la scarsela anca a nivelo italian.
Mi penso ke sipia cuesto ke volese dire Xorxi…. almanco cusì mi la go capia e se la gavese capia bèn no podaria ke condividerla, parké se se vorà fare el referendum, te dovarè ciamare un “tale” Popolo Veneto a venehre a pronunciarse co un SI o un NO.
Se no se fa el lavoro de identificasion identitaria, ma solo cuelo de “scarsela”, ‘ndarà finire ke tuti i te dirà ke te ghe raxon, ma ke se pol fondare el Partio Libertario Italian…. Ma no xé cuelo ke ghe interesa a nisun indipendentista…
El indipendentista punto a l’ Indipendensa d’ el Popolo Vèneto.
Urca… el sistema el me ga scancelà la parte ke ghevo meso tra < >
Ke el jèra el ri-ciamo a la fraxe de Claudio:
“Coel ca volevo dir xe ca la scarsela comanda. Te catarè anca coeli ca ragiona come i to veci amighi, ma xe caxi anedotici. La magioransa co la se incasa sul serio la rabalta tuto e no la varda pì in facia ninte. Par la scarsela el on deventa anca tibetano dal on dì a coelaltro.”
Andrea, no so come farlo capir.
El popolo veneto? Ecolo! Pol eser benisimo ca el sipia coel ca ieri matina el te dixeva “semo tuti itajani” e ca stamatina el se ga svejà co el tacuin vojo e el dixe “itajani sarà juri, mi vago par la me strada”.
Insoma, no stemo eser masa fini e legalisti, se ga da eser prateghi, parché la realtà la xe coela.
El punto el xe ca quando ghe xe na masa granda de persone ca le xe d’acordo co la independensa, no conta ninte le raxon par cui le ghe xe, el importante el xe ca i ghe sipia rivà.
Mi invese vedo on mucio complicà la mentalità e vedo ca la xe inchebà su, coelo xe serio come problema, e mi me vedo sempre de pì on alieno…
Claudio… vo nojo esare fine ma realista.
Fin dèso a ‘l mondo se ga vésto indipandense fàte:
1) co ‘l s-ciopo… e alora là pòso esare concorde co ti… no inporta ki ke xé ‘sta màsa ke se xé tolta l’ indipendensa…. lo ga fàto e basta (altro discorso sarà mantenherla… ma cuesta la xé n’ altra roba).
2) Par disfacimento d’ el contenitore indove ke ‘sta màsa la se trovava (vedi Paexi de ‘l Est) …. ma alora là el metodo (violento o no) dipende da le condision politike, evc evc…. In Slovenia e Montenegro i ghe xé rivà, par fortuna, sensa tanta violensa, in altri posti no…. e xé grasie a ‘l fàto k’ el contenitore el xé ‘ndà a cuel Paexe ke i Popoli drento i xé deventà indipendenti…. senò…. bona nòte sonadori.
3) Par referendum parké cuesto el ghe vien réconosésto da ‘l Dirito Internasionale…. se se tràta de darghe voxe a un POPOLO. Se nò, te pol esare praticon cuanto ke te voli ma sensa rivare a nhente (anca faxendo un jenerico referendum)…
Noaltri podarisimo sperare su el punto 2, ma semo propio sécuri ke cuesto rivarà “par inèrsia”? E se si…. semo propio sécuri k ‘l rivarà presto??? Forse si, forse no….
Ma alora dovarisimo fare come i Paexi de ‘l Est Europa… spetemo.
Ma invese, mi pensavo ke se volese ‘ndarghe drio a la strada refrendaria…. bon, rivando a ‘l referendum (parké se xé stà bravi de rivare fin là) xélo cuelo el cuexito ke te scrivaré su la skeda? Pensito ke bastarà “vuto stacarte da l’ Italia”? Se sì (come ke me senbra de gaver capio, cosa xé ke te ghe dixi a ke altri Stati par convinsarli a réconosarte???
Rivare a l’ indipendensa par via referendaria, sostenherla in caxo de vitoria e consenha de la sovranità a ‘l Popolo vèneto xé el scopo de tùti i indipendentisti … ma mi lèxo sento parlare un fià o nhente de ste robe…. Tùti parla senpre de come ke la sarà dopo …. pì bèlo e mèjo de dèso…. ma tùti sorvola su détali inportanti par rivarghe a ‘sta indipendensa…. ‘Sta roba la me lasa asà perpleso.
Par el discorso de vedarse senpre de pì come “alieno”…. forse vivare racuanti àni fora da ‘l Vèneto e el contenitore italico a podaria iutarte…
A mi me xé servio… E dèso a voria fare el contrario…. tonare, ma no parké in Vèneto se viva mèjo de dove ke stàgo…. ma nhanca par skèrso…. voria tornare par permetarghe a me fiolo te alimentare un fià le so raixe, ke senò el ris-cia ke le se smarsisa.
Tùto pol servire a rétrovare la motivasion, anca ‘ndare lontan par un fià de tenpo.
@Andrea:
“Rivare a l’ indipendensa par via referendaria, sostenherla in caxo de vitoria e consenha de la sovranità a ‘l Popolo vèneto xé el scopo de tùti i indipendentisti … ma mi lèxo sento parlare un fià o nhente de ste robe…. Tùti parla senpre de come ke la sarà dopo …. pì bèlo e mèjo de dèso…. ma tùti sorvola su détali inportanti par rivarghe a ’sta indipendensa…. ‘Sta roba la me lasa asà perpleso.”
No te ghe ne ghe sentio parlar masa in area publica parché par la zente in genere de discorsi complicà tecnici no i ghe ne segue ninte e i preferise capir cosa capitaria dopo. Insoma la zente la varda de pì el lato pratego, e xe comprensibile.
Ma no xe ca par coesto no se ne gapia discuso, ah no ciò, se ghe ne ga parlà e tanto. Intei forum ghe xe stà a so tempo longhe discusion e rajonamenti, reserche so i tratà internasionali, evc.
Ala fine a go concluxo (anca analizando caxi reali capità) ca conta solo el realismo (intexo cofà proprio metodo de analixi [geo]politega).
No me repeto, go meso on comento al articolo de Luca in cui digo presapoco el steso rajonamento.
Ciao Claudio.
Oro! Ma alora a saria interesante ke se metese su el sito anca ‘sti laori ke gavì fàto i àni / mexi pasà… mi li lèxaria co un mucio de intarese.
Imajno anca ke gavarì fàto un piano de asion conprensivo de varie strade / pàsi alternative/i.
Bon, na roba cusì la me iutaria no poco a capire calcosa de pì… se no i xé publicabili, a xé miga posibile de gaverli par mail?
Andrea, le xe stà discusion parà vanti co diverse persone e in diversi momenti, ma no xe mai stà meso insieme tuto.
Te dovaresi rumare intei forum…
chi pensava che ZAIA sia una volta eletto a presidente della region del veneto cambi qualcosa se ga’ sbaglia’ de grosso come go’ scritto appena eletta la mummia ZAIA digo mummia perche’ durante le elession el ga’ parla’ gran poco solo immagini stampati sui bus de linea , nei cartelloni pubblicitari , nelle cartelle de pubblicita’ pervenute in casa de ciascun veneto , e la mummia ZAIA entra nello scenario con gloria e somma lode da parte dei suoi compari che tanto i ga’ parla’ par le tv locali e sempre tegnui a braccio da lui stesso con el sorriso COLGATE di fronte alla xente alla fine col slogan del tipo TAZE BAO “PRIMA IL VENETO” alla fine del conteggio dei voti entra con imponenza a PALAZZO FERRO FINI go’ scritto a voi nel forum “gnente de novo sotto el sole” come se ga’ dimostra’.