Breaking news – Nove ca spaca – Breaking news – Nove ca spaca – Breaking news – Nove ca spaca
A la Festa dei Veneti stamatina Domenega 5 Setembre, xe stà catà strisioni ostili co scrite antivenete e contro i organizadori e patrocinadori de la Festa. Opara forse de fanatici itajanisti el material el xe stà mostrà ai Carabinieri e festa denuncia.
So VeNETvision le imagini: http://www.youtube.com/VeNETvision/
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
e manco mal che i xe fa vivi.
no xe che me piaxa sta roba ma ne fa ben saver ca no semo visini a l’indipendensa propio par ostrusion de sta jente coà.
(par mi ła xe pì inportante de coela de l’itajia).
deso se scumissia a rajonare anca in termeni de “vijiansa veneta”. coel ca dovaria essar on enbrion de el futuro corpo de miìsia de tera o da mar.
no so drio parlar de “połisia veneta” (che soło a vardar el termene no capiso parcossa el xe sta ciapà da fòra el veneto cofà “marina” -ghe xe sà “miìsia da mar”-).
No credo de ver ben capio, cosa te intendi co “vijiansa veneta”? A cosa te referisito? Mi intel video no la go vista.
ciao claudio,
jero ała festa domenega ma no te go visto, senò me saria prexentà. fa gnente, nantra olta.
no ghe jera “vijiansa” in tel video. xe na roba ca pensao mi, parchè se na organixasion ła se ingrandise riva a ver bexogno de on “corpo” che vijia.
no co armi. soło controło.
in te sta festa se gà visto ca l’opoxision ła se vol far sentir a el popoło, e forsi anca on doman so in te nantre feste, convegni ecc.
pensao a na faxe enbrional de xente el pì pusibie neutrae che “vijiasse” e descovèrxe i bastoni in te łe rode ca i ne vol metar.
no se trata de połisia (ripeto, no me piaxe neanca el nome… xe on itajian venetixà) visto ca no ghe xe da far respetar łexi venete de boto.
xe soło na “tełecamara” ca vijia e ła REFERISE, no ła ciapa inisiative.
mi so de el parer ca tuto pol essar na bona espariensa so sti primi pasi, e ła vijiansa xe soło ca on toco de łe istitusion ca łe ghe xe in tel popoło.
se pò i veneti i se incorxe ca ła coxa ła xe bona parchè vien riferio a dover sensa caxini, se podaria catar pì credibiìtà.
ma par deso ła vijiansa ła servarìa soło par pararse cofà el fìo co i strisoni in tel video.
Ghe xè na scianta de confusion tra el publico.
Zaia i Botonsi cosa sentra ? No le xè miga a festa dela Lega.
No li ga incora capio da dove riva i volontari .
ti gà raxon, ma no a me par na novità ca coei de a lega i se mete senpre in meso ciapandose el struco dei indipendentisti e i se sgionfa anca, cofà el dindio.
i ga anca da ła so parte el fato de essar conosui de pì dei indipendentisti, e coei veneti che i xe on fià fora via de poitica ghe scometo ca i crèe che xe a lega a organixar ste feste.
par mi, le asociasion culturai le gà na poxision anbigua. le pol essar ciapae dai veneti de coà o de là, dove ca on veneto le mete in te la so cognision (pol essar coindi anca co ła lega).
in te na bataja se porta senpre i cołori de spetansa. no se xe mai anonemi e no se łassa portar łe insegne de altri.
gavevo meso na me idea in tel forum so na bandiera (ciamemoła cusì) co i cołori de l’indipendensa, par catarse fora da sti partidi tajiani e far cognosar ca esiste on anemo veneto łibaro.
me par ł’unico modo par tegner łontani coei là, parchè sarà el popoło che co el vede e sà ca i xe difarenti e no indipendentisti, no li cagarà manco pal c…