Manifesto documentario El plebisito 1866 - storia anesion de le Venesie
Uncò se ricore na trista vicenda. 144 àni fa, el 22 de Otobre de el 1866, se concludeva el plebisito farsa de anesion de le Venesie a la Italia, anesion invèro dexà capità tri dì prima, e parà vanti co intimidasion e evidenti manipolasion, sia par le modalità sia par el rexultà vegnesto fora ca, anca par coei tempi, el siga al scandalo.
VeNETvision in sta ocaxion la prexenta la seconda parte de el documentario “El plebisito de el 1866” da el soto titolo eloquente: “retrosena de na anesion dubia”, ca el fa sevito a la prima parte prexentà circa tre stimane fa.
Personalmente no condivido minimamente le dichiarasion de el sindaco de Verona Flavio Tosi ca serenamente el pasaria on colpo de spongja sora el fato storico “d’arme”. Masa comodo. E difati la so afermasion no la cata nisun suporto juridego dato ca da on punto de vista de el dirito dei stati coesto no decade, no ga prescrision e donca no pode eserghe pasà sora se coesto el xe ilejitimo.
Intel documentario festo da VeNETvision, inte la prima parte, difati se esplicita el fato ca i plebisiti i nase da la consapevolesa ciapà co la ondà de el iluminismo e forsà da el vento de la revolusion francexe, par cui no xe pì acetabile el arbitrario imposesamento de teritori de comunità sensa ca coeste le sipia d’acordo. E sto punto, coelo de na lejitimasion, a ben vardar el xera pre-existente quantomeno par la nobiltà.
Par vedar i filmati:
prima parte:
seconda parte:
Se ve piaxe i video, a ve invito a inscrivarve al canale, e comentare!
Claudio G.
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
A comento kive, mi.
Na ricostrusion majistral che sconfina rento la reserca storega.
Inpresionante a rara somejia dele trupe tajiane che desfia in Canpo de Sa Marcho. ( ala fin dea seconda parte) .
Indò che gavì catà no so ma no a ghevo vedesta zamai.
Archivio de el Congreso de i Stati Uniti de America, no so ben come mai i la gavese, la data la xe indicà tra 1867 e 1870. Come la go vesta no xe on segreto: semplicemente domandando. Come la go catà, el xe invese on segreto 😉
Intel video a xe indicà postcolorizà ma inte la didascalia de la foto a xera indicà “color”.
Mi dubitavo la fuse colore originale ma forse in realtà la xe efetivamente a colori so lastra in vero de alta qualità.
Sujeriso solo de oservar la gran qualità de la foto, ca se podeva otegner a coel tempo co certi tipi de lastre fotografiche zà da el 1855. Lastre costoxe, on mucio costoxe.
Sicome a xero incerto de gaver capio ben son anca andà a documentarme so la storia de la fotografia, par verifegar la plauxibilità.
Le prime foto a colori permanenti le xe de el 1861, a opara de el fixico Scosexe J. C. Maxwell (kive se ghe ne vede ona de el 1877: http://upload.wikimedia.org/wikipedia/commons/thumb/0/08/Duhauron1877.jpg/800px-Duhauron1877.jpg)
A difarensa de le autocromie coeste le se nota parché le ga i colori smorsà e poco luminoxi, e ghe xe on certo eror de paralase.
Mi no so ben come la sia stà fata coela foto mostrà intel video, ma se ga da saver ca le prime autocromie le xe de el 1903 (kive se vede na autocromia de el 1917: http://upload.wikimedia.org/wikipedia/commons/8/81/Nieuport_17_C.1.jpg): come se nota i colori xe pì vivi, no ghe xe eror de paralase dei colori, e soradetuto se vede el blu.
I blu i xe na carateristega ca data le foto: prima de el 1907 (autocromie) a xe gran fadiga ca i blu i sipia vivi, e prima de el 1873 le lastre le xera sensibili soradetuto ai violeti, par cui se gaveva rosi e blu smorsà, i zalo-naransa e verdi discretamente colorà.
Vardar sta straordinaria foto http://upload.wikimedia.org/wikipedia/commons/thumb/e/e3/Rgb-compose-Alim_Khan.jpg/800px-Rgb-compose-Alim_Khan.jpg
festa intel 1911 da Sergei Mikhailovich P. G., lastra in vero a filtri combinà (la tecnica de el Scosexe Maxwell de el 1861, ma co la sensitivasion a la luce rosa e blu).
Nantro particolare: prima de el 1898 le fotografie a colori le xe roba rara par esperti e feste solo in laboratori.
Coela mostrà intel video la ne mostra colori solo tra i rosi-arancion e verdoni, manca i blu. Inoltre se se fa atension se nota on fià el eror de paralase (ca el podaria eser sbavadure de poscolorizasion).
Notare ca la foto la xe granda e la xe stà fata picinina par star intel video, donca minimizando i difeti e dandoghe na aparente mejo qualità.
Le divixe dei militari le xe de la epoca de el 1870, e no de dopo el 1900, inoltre come go dito prima de el 1900 no se podeva otegner certi tipi de foto a colori. In altre parole sta foto la xe on prodoto de finisima qualità de el tempo, co la tecnologia pì avansà de el colore de la epoca ma dognimodo adeguà a le conosense de el 1870, o forse semplicemente finemente postcolorizà, come mi conservativamente a go preferio dire intel dubio ca la dicitura la fuse na semplifegasion, anca se ocore dir ca le postcolorizasion de solito le gaveva problemi a mostrar dei bei blu intensi, roba ca manca completamente inte la foto.
Errata corrige: “…anca se ocore dir ca le postcolorizasion de solito NO le gaveva problemi a mostrar dei bei blu intensi…”