Calderoli se confessa al consolato merican

La data de sto wikileak la xe de un anno fa e par tanti aspeti no a ghe xe gninte de novo. Anca se la vera stratejia dela Lega la xe soto i oci de tuti, ga naltro valor sentirlo dir sensa vargogna dai so masimi esponenti.

Calderoli e Giorgetti, i va al consolato merican a Milan par confesarse e spiegar ai mericani la strategia dela Lega Nord.  I obietivi prinsipali dela Lega, in ordine de inportansa, i xe:

i) asecondar Berlusconi “dandoghe tanti struconi”, e “se Berlusconi dixe blu, la Lega ga da dir blu, e se Berlusconi el dixe nero, la Lega ga da dir nero”. No i ga vargogna a dir che i mete i interessi de Berlusconi al de sora dei interessi del so eletorato parche’ questi i xe i interessi dei conponenti del partito Lega Nord.

ii) come seconda priorita’ i ga de esser el partito predominante nel Nord Italia e far on paro de governatori regionali (la data la xe pre-regionali 2010). La parte interessante xe che i dise che i ga da rancurar su consensi “ma non troppo”, parche’ se la Lega Nord la fa “masa ben” podaria narghe male a Berlusconi. Giorgetti ghe tien a precisar che questa la xe na preocupazion espressa diretamente da Bossi.

iii) Calderoli spiega ai mericani che anca se la base eletorale dela Lega Nord la crede e la se speta na vera autonomia e federalismo, quel che lu xe drio far pasar come “federalismo” a xe a esser generosi na riforma pitosto debole. Se lo dixe parfin Calderoli…

Filippo Dal Lago
Veneto Nathion

PS. Chi che no sa l’inglese ghe xe anca google translate: http://213.251.145.96/cable/2009/04/09MILAN95.html

written by

The author didn‘t add any Information to his profile yet.