No xe gnanca pasa’ 5 mexi dal di che i ga oscura’ www.gaxetaveneta.com, l’unico sito (oltre www.venet.net) scrito interamente in lengoa veneta (tuti staltri siti i xe mezi scriti in italian). Gaxeta Veneta la gavea anca atira’ l’atension dei tenici de Google Translate parche’ i so bots (sti programini che in automadego i navega pa’l web par catalogar i siti) no i xera boni de identificar che lengoa che la xera. Tuti staltri siti veneti Google Translate li catalogava aprosimativamente come scriti in italian, ma co la Gaxeta Veneta no i xera boni de farlo, apunto parche’ scrito in veneto sceto, tanto da atirar l’atension de Google par considerar de introdur anca el veneto fra le so lengoe.
Come che savemo la Gaxeta Veneta la xe sta oscura’ ntel teritorio talian (ma vixibile a l’estero) par volere direto dei leghisti senta’ zo a Roma co dele scuxe che centra poco coi contenuti del sito. Anco’ savemo che mentre i leghisti senta’ zo a Roma i se preocupava de sarar l’unico sito al mondo al 100% in veneto, i leghisti senta’ a Venezia i se preocupava de finansiar co schei dei veneti sto grazioso sito web: http://www.lagazzettadelveneto.it/. Prima che i cava via sta orgia de tricolori e sta ecitasion sul risorgimento talian gavemo fato on bel printscreen del sito che podi vardar strucando su la someja in alto a destra.
La Lega Nord, a Roma e a Venezia (e a Trevixo e a Verona…), la xe drio sofegar l’identita’ veneta in nome de l’italianita’ (se no anca dela ghedafinita’). Alora deso, gavemo da molarghela de perder tenpo. Ogni veneto che co on minimo de senso civico che lexe sto articolo ga da farse n’exame de cosiensa e molarghela de votar sto partito nemico dei veneti. L’unica alternativa la existe de xa e se ciama Veneto Stato. Ognun de noialtri ga el dover de far el pasaparola e distribuir volantini a amici e parenti. No podemo permetarse che la nostra tera la vegna gestia n’altro minuto soto sti vasali de Roma.
Veneto Stato, e no se pol far de manco.
Lodovico Pizzati – Veneto Stato
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
In questo caso non si tratta di essere Veneti o meno, non dobbiamo farci trascinare nella critica dalla nostra identità, ma bensì renderci conto che la Lega è diventata un braccio antidemocratico dei politicanti seduti a Roma. E poi finiamola di parlare della Lega, più se ne parla più diamo importanza e più dirottiamo le nostre forze nella polemica, anzichè nello spiegare a chi non ancora conosce la strada dell’Indipendenza. Concordo comunque che l’aver chiuso un canale informativo è un atto deprovevole.
E poi dicono che simo in Democrazia, si una Democrazia violentata che grida Libertà.
Va ben, continuarò co el me siopero del’italiàn, suca dura mai paura.
Go sentìo anca keantro dì Zalian(Zaia + taliàn) ke el dixeva ke a lega nord voe salvar el stato italia co el federaixmo.
I xe dei taliani, no ghe xe ne santi ne madòne ke li indrìse, i ga a testa da batipài.
…e dopo ghe xe da dir ke se i ga tuti sti skei da trar via in ste putanàe taliote vol dir ke ghe ne daxemo masa. Masa skei i ga par e man, xe quéo el problema…e i ga anca el corayo a criàr el morto parkè i xe ncora poki.
I starìa ben visscionài fiso.
sta ditatura de oscuramento tajiana verda bianca rosa, dovaresimo farla cognosser de pì a le nasion foreste (anca par internet).
la xe na asion de opresion s-cieta verso el popolo veneto.
la xe na opresion par inpedir al popolo veneto de ciapar cosiensa de la so storia e cultura. i ne vol bendar.
ma l’onu el speta de intervenir solo co i mola xo le bonbe?
no xe massa tardi?
no podemo riferirse a coalche istitusion internasionale par denunsiar ste robe tajiane che le fa nasser atriti co i veneti?
par conto meo, mi no scrivo pì en tajian.
e i veneti ca i fa fadiga a lexar el veneto, ca i se range. se se ghe va drio a la so ignoransa deventaremo gnoranti anca nialtri.
spero ca VS e tuti i movimenti venetisti i fasa i comisi, asenblee, manifestasion, interviste… sol che in VENETO.
l’itajia la bate el ciodo… nialtri lo dovemo batar de pì.
@ vianeło:
secondo mi xe sbałià identifegar el stato itałia co ła lengua ‘tałiana, donca no ga senso el boicotajo che te proponi. Co te comunichi te ghe da farghe capir a chealtro cosa che te si drio dir, cuindi che’l sia veneto, ‘tałian, inglexe, lengua de i sesti o altro no inporta: ‘l inportante xe che rive el mesajo.
donca:
se partimo dal fato che na lengoa la xe on dei riferimenti de na nasion, mi ritegno che el tajian xe de l’itajia.
no se pol dir serto che el tajian el sipia dei veneti.
coindi, mi no indentifego el tajian col stato itajia, ma el tajian xe la lengoa de l’itajia (no ghe xe gnente de veneto).
pò le istitusion tajiane la gà sofegà le lengoe dei stati preunitari, ridicolixando soravia chi che le mantegniva vive co l’ofexa de “ignoranti”, e coesta la xe na sielta dei tajiani no serto de chi che gveva xà la so cultura (secolare).
co se riva a on serto ponto (ancùo semo rivai massa in là) se gà da metar on fermo. coel ca intendevo mi xera on fermo no on boicotajo. la lengoa tajiana par mi la val coanto coela inglexe fransexe…
me farò capir sensaltro se poso, e far rivar el mesajio cofà ti dixi ti, ma se vedo che da staltra parte ghe xe na poxision che me inpone par lexe inte le scole, ufici… el tajian sensa riconoser e ver respeto de la me lengoa, la me storia… mi no ghe stago.
me riferivo a sto artocolo indove ti pol vedar anca ti coanto che i ghe mete i tajiani a serarte la boca veneta.
on mucio de veneti i se gà xbasà al tajian par chieto viver o par el “bon parlar tajian”, e i fioi i gà inparà da lori a molarlo ancora de pì…
ancùo se cata xente ca no la sa neanca parlar o scrivar o lesar el veneto.
on sito veneto serà da l’itajia el pasa inoservà ai veneti-tajiani, ansi forsi mejio: “tanto no se capise cosa che ghe xe scrito”.
l’itajia la ghe mete senpre pì arxeni ai veneti. mi li desfo, e se i veneti i vol far el xogo de l’itajia… alora desfarò da solo.
No xe ła prima volta che fra mi e ti ghe xe sto tipo de inconprension. Inconprension forsi dovua a na prospetiva difarente. Provo a spiegarme… Ti te ghe un ponto de vista da independentista veneto (ghe xe łe Venetie e ghe xe l’itałia; do robe difarenti. L’Itałia, fora dal Veneto, la pol continuar a existare), donca te vedi el ‘tałian (che come che te ghe justamente oservà el xe ła lengua uficiałe del stato ‘tałian) cofà na lengua foresta inposta e cuindi da conbatare. Mi invese go un ponto de vista pan-independentista (l’itałia no ła existe), donca vedo el ‘tałian cofà na lengua foresta uxà da un bon numaro de persone pa’ comunicar (na speçe de esperanto, dato che ła xe un fià artificiałe: toscan e itałian no i xe exatamente ła ‘stesa identica roba). Xe vero che’l ne vien inposto dal stato itałian, ma no xe colpa sua de ła lengua… Donca no vedo el senso de farghe ła guera a ła lengua. Cogna invese “farghe ła guera” al stato che ne obliga a dopararla: e se pa’ conbatarlo go da uxar anca ła lengua itałiana (pa’ far pasar el mesajo) ła doparo sensa tante storie. Rifiutarse de doparar un mexo (ła lengua) me par come cheło che se taja i totani pa’ farghe un dispeto a so mojere…
PS: al fianco de ła bataja contro el stato, va fata pero anca na bataja pro-lengua veneta (e se pol farla sensa crear masa contrapoxision co altri idiomi). Diria diritura na “jihad”, parché ła xe anca na bataja interior, da far drento se stesi, e no soło che esterior. Intendo dir che cogna far in modo che i veneti i torne a parlarla – e cuesta xe ła bataja esterior – ma anca noaltri che ła parlemo ghemo da coltivarla: se el Manzoni el xe ndà a far ła lisia inte’l Arno, noaltri ghemo da ndar so i nostri fiumi pa’ cavarghe łe varie itałianixasion che łe xe drio incuinar ła nostra lengua (penso a serte struture gramaticałi no-venete che łe xe drio difondarse) – e cuesta xe ła bataja interior.
a jiero via, go leto deso la to resposta.
xe cusì, gavemo defarenti ponti de vista.
no vojio xudicar el tòo. ma poso contar el meo:
la lengoa tajiana la xe na inpoxision fin coando no i ne lasarà (i tajiani) seliar cosa inparar a scola (xe vero cofà ti dixi ti, ca la xe “uxà da un bon numaro de persone pa’ comunicar”, ma l’esperanto par exenpio nol xe inposto da nisuna istitusion o goerno propio parchè… no gà nasion).
co coesto no ghe dago la colpa ala lengoa ma a CHI che la uxa sensa pensarghe sora a CHI che la vol, parchè (cosa ghe sta drìo) e in che modo el riva farla uxar.
no xe coestion da far goera ala lengoa, la goera la fago a chi che (anca) co la lengoa ne tien lontani da el nostro fogher… intimità de popolo… familiarità.
sarìa defarente si nialtri parlasimo e scrivesimo in veneto, par ovio, ma de xonta ghe metesimo el tajian cofà l’inglexe… par libara nostra sielta, si el caxo el ciama.
el nostro bon senso lo farìa. ma no xe la situasion de deso indove l’itajia co el tajian la ne magna fora parchè inposta (la lengoa, no solo, la pasa de pì in sordina parchè tanto no se se inascorxe… no te la vedi).
vojio ciapar el to exenpio dei totani:
“Rifiutarse de doparar un mexo (ła lengua) me par come cheło che se taja i totani pa’ farghe un dispeto a so mojere…”.
scuxime se so on fià caìa ma i totani i xe na parte de mi e no on mexo. par coesto mi no sento la lengoa (in xeneral) on mexo, ma on toco de mi cofà on braso, na parte de servelo…
so dacordo co el to PS.
beato ti che ti dixi che par ti l’itajia no la existe. mi fin coando la vedo scrita desora i me documenti e vedo che gò da smenarme co le so lexi… la vedo 😉
Te ghe raxon co te dixi che ła nostra lengua veneta ła xe na parte de noaltri. Cheło che intendevo dir xe che se pa’ rivar al nostro obietivo ghemo da uxar anca (e sotołineo anca) el ‘tałian no ghemo da ‘ver problemi a dopararlo: rifiutarse de parlarlo podaria esar auto-lexionista.
Proo a spiegar mejo anca ła parte so l’itałia che no ła existe. Te ghe raxon co te me dixi che fin cuando che te ła vedi so i to documenti ła existe, mi intendevo dir n’altra roba overo che no ła existe inte ła me vixion del mondo. Co ghe sarà łe Venetie libare confinanti co el stato itałian par ti magari sarà finia ła bataja, par mi invese ła sarà pena scominsià (fin cuando che no ła vedo sparir da łe carte jografiche no sarò contento…)
a me jiero desmentegà de scrivar na roba cofà coela che ti ga dito deso:
“no ła existe inte ła me vixion del mondo”.
defati anca par mi l’itajia no la ghe xe intel me cor (sol che ineti me oci).
pò coando ghe sarà la serenisima, mi ghe laso l’itajia a chi che la vol. tanto i tajiani no i se gà conportà ben co nialtri cofà striaci fransexi slavi spagnoi.
no creo sipia xusto farli sparir, ma che i staga fora coelo si. polsarò senpre col speo soto el stramaso.
gò scrito solo par precixar la me parte mancà.
respeto coel ca ti gà dito ti 🙂
http://firmiamo.it/per-l-annessione-all-austria/