Ricevemo e volentiera pioveghemo:
Bondì a tutti. gò leto el programa de Ghiotto e Milanetto. I xè programi generici e astratti. Non so se i sàpia che el Veneto gà on saco de problemi, a partire dala crixi economica generale con la povertà che cresce sempre pì, alla disfatta dela nostra agricoltura, che xè praticamente morta; dala sanità ridotta a na assistenza da terzo mondo al problema de Porto Marghera che xè rivà ala fine dela so storia, co tante fameje sensa schei…
No gò letto nessuna parola so sti problemi… Me auguro che sti candidati governatori se gàbia informà ben so sti problemi e se gàbia rexo conto che ghe voe tanta preparazion par trovare le solusion giuste.Altrimenti cossa ghe dixèmo ala xente che xè tanto rabbià?
Canponogara, 16 de otobre 2009
Lorenzino Gastaldi
Popularity: 2% [?]
