I FERMA EL TRAFICO PAR VENETO STATO

Anco’ a son nda’ on giorno in anticipo a Vicensa par pareciar on poche de robe. A ghe tegnevo nar tor personalmente el permeso de manifestar in Questura par asicurarme che sia tuto a posto.

Me son cata’ on fia’ in inbaraso parche’ oltre a naturalmente darne l’ok, i ga decixo anca de sarar el trafico par on toco de strada su cui pasaremo. Da na parte me spiaxe crear on ulterior dafare ala polisia de Vicensa, dopo le do setimane intense che i ga vuo. Da staltra apreso l’inpegno che anca lori i ghe da’ a na fiacolada de suporto par tute le nostre aministrasion locali che, aluvion o no, le vien trascura’ da on stato italian ingordo e centralista.

Alora, gavemo da giustificar el fato che no solo vien su Rai2, ma anca che i nostri polisioti i fermara’ el trafico pa’l nostro pasagio. Gavemo da esar ncora de pi de cuanti che semo deso. Porte’ tuti e de pi’. Fe’ nantro giro de telefonade, carghe’ in machina tuti che doman sara’ na gran bela giornada par catarse tuti e farse forsa.

SABATO 13 NOVEMBRE, ORE 16.00
PIAZZA CASTELLO, VICENZA

Lodovico Pizzati
Veneto Stato

If you liked my post, feel free to subscribe to my rss feeds