PLEBISCITO.EU | PNV. Press News Veneto

Ve prexentemo el logo de Veneto Stato. Come preanuncia’ se trata de on logo senplice che’l da prevalensa al nome del partito, dato che de suo comunica ciaro el nostro obietivo.

I colori dopara’ i xe “azzurro venetico” e “oro levante”. Se ga adota’ el sfondo bianco da drio la scrita par dar magior rixalto ala scrita, e par tegner libari l’oro e l’axuro par la grafica che ghe ndara’ de contorno in manifesti, majete, gaxebo, volantini e altro (el bianco rixalta mejo su un manifesto oro o axuro).

Oltre la scrita gavemo adota’ cofa’ sinbologia el libro e l’ala. El libro el significa la LEGALITA’ del nostro percorso, e l’ala la significa la LIBARTA’ dela nostra meta. La scrita “Veneto Stato”, par chi che no lo gavese capio, la raprexenta el corpo del leon, che sinbolegia la FORSA del nostro movimento. Libro e ala i xe stilixa’ par considerasion grafiche.

El sinbolo el pol esar dopara’ in sercio (par scheda eletorale), ma anca in forma retangolare (vedi soto) par altre aplicasion, tipo volantini, majete o altro.