A cura de veNETvision
5 Novembre 2010, Padova. Antonio Guadagnini, el promotore e guida de el movimento de 400 sindaci veneti par trategner el 20% de el IRPEF el lasa UDC e el intra in Veneto Stato: “no se pode far intaresi de el Veneto fin ca se stà rento partiti italiani”, el dichiara, denunciando la dilapidasion de le nostre rexorse e la certesa ca no rivarà nisun skeo o squaxi par i aluvionà veneti.
5 Novembre 2010, Padova. Antonio Guadagnini, il promotore e guida del movimento dei 400 sindaci veneti per trattenere il 20% dell’IRPEF lascia UDC e passa a Veneto Stato: “non si può fare gli interessi del Veneto fin che si resta dentro partiti italiani”, dichiara, denunciando la dilapidazione delle nostre risorse e la certezza che non arriverà nulla o quasi agli alluvionati veneti.
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
udc?
hmmm… me sbajio o el se jera candidà coalche mexe fa co a liga veneta par bortolussi?
dall´UDC?…gli lascerei un anno a purgarsi.
Lingua,storia,sopprusi,razzismo,dal molin?
si parla ancora solo di soldi…
@ Vianeło:
El jera co’l UDC. I ło gheva candidà a łe eoropee pa rancurar calche voto parché in chełi dì là el movimento de i sindaçi de’l 20% el jera forte e el gheva un bel sostegno popołare… ma a ła fine par ‘l UDC xe ndà a Bruxelles un çerto Motti (un emilian che ga spexo un mucio de franchi pa far ła canpagna eletorałe… pensa che’l ga tacà far canpagna par la so elesion prima ncora de saver co che partito candidarse…)
Quindi el ga mołà ‘l UDC e el xe ndà co ła Łiga Veneto Autonomo [chełi de ła Liga Veneta Republica che no vołeva ndar co’l UDC de De Poli… in pratega ła LVR de Comencini se jera spacà in 3 tochi: 1 toco (Comencini) ga fato ła lista Unione NordEst, co PNE (Foggiato e Beggiato) e Intesa Veneta (Covi), in sostegno de De Poli; naltro toco ga fato sta Liga Veneto Autonomo in sostegno de Bortolussi; e un ultemo toco ga formà co i Veneti ła lista Veneti-Independensa in sostegno de Polo]. El doveva fare el capołista a Trevixo ma el se ga fato da parte e po ła Liga Veneto Autonomo no ła jera sta bona de tirar su łe firme par Trevixo (i se ga prexentà soło a Vicensa, co discreti rexultai).
Me par che el gabia provà varie strade pa raxunxer i so obietivi (prima el 20% de’l IRPEF, po el Veneto a Statuto Autonomo) e deso el se xe rexo conto che l’unica strada posibiłe xe l’independensa. El gavaria podesto ciapar l’autostrada (ndar co ła Lega o star co i partiti itałiani) e inveçe el ga ciapà un sentierin de montagna… No me par propio un percorso de uno in çerca de careghe…
no intendevo ca el xe on ca el serca careghe, me dimandavo parcossa so el video el dixe ca xe vegnuo fora da udc invese ca da la, ultima, lega (almanco mi, par exenpio, coando cerco on novo laoro me vien da prexentar coal el xe sta el me ultimo laoro, po si i vol saver el c.v. ghe meto anca coei indrio).
ma te capiso anca ti. se vede massa smonamento e sospeto in jiro verso i poiteghi (de pì verso coei ca i xe o i jiera so partidi tajiani) e so on comento cofà el meo se pensa ca sipia na sindacada. in efeti lexendolo da novo podaria anca essar.
ma si in te la xente se naxa difidensa cossa ti vol far, coesto i gà semenà i poiteghi e i gà anca spaltanà coei pì onesti ca i fa fadiga a vegnirghene fora.
ma coesto xe on judissio ca no vojio far in sto caxo parchè no cogniosso guadagnini, no ghe digo de mal ma gnanca de ben… neutrale.
vojio solo aver le me idee pì ciare del ciaro no se sa mai (la vita la xe na tenpesta, ciaparlo en culo xe on sciantixo 🙂 ).
@ Vianeło:
Cheło che go scrito no jera indirisà soło a ti ma anca a tuti chełi che łexe e che magari połe pensare “vara ciò, naltro poltronaro!”. Dixemo che par ti jera ła parte so la so storia połitega (che spero de ver ricostruio in modo exato)…
So el fato che el diga “vegno da’l UDC” (e no: “vegno da ła Łiga Veneto Autonomo”) credo che ło diga parché el xe pì conosuo par cheło che par st’altro pasajo… Co ła LVA el ghe sarà stato si e no pa un mexe o do, e ła jera soło che na lista eletorałe (no un partio-movimento co iscriti) co UDC inveçe el ga fato na canpagna pa łe eoropee in tuto el Veneto.
Pa uxar el to exenpio so’l laoro: xe come se uno che laora diexi ani inte un posto e prima de catar naltro laoro el fa un laoreto pa na setimana co el va da un novo paron el ghe conta de’l laoreto.
Par vostra informasion, a ghe xe diversi altri pasaij ca par raxon tecniche no xe stà posibile inserire intel video, ca go montà mi par VeNETvision.
La conferensa integrale ghe xe idea de pararla in linea so el canale in streaming apena el sarà pronto …anca se i tempi no i sarà cusì rapidi come se sperava.
@claudio
grasie, gò caro ver notisie no framentae.
farghe vedar ai veneti le robe par intiera sensa taji ca i pol senbrar “manipolasion”, xe tuto de goadagnà par l’indipendensa. i veneti i gà bexogno, e i serca, de ver, par dar, danovo fiducia so i so raprexentanti.
@paolo pero
me xe ciaro el to exenpio so el “laoro”.
dognimodo vojio dir mejio el parchè de la me prima dimanda sora:
coel ca me sta a cor xe ca i veneti, anca mi, no i perda fiducia verso “veneto stato” (in sto caxo, ma anca verso coalsiasi movimento indipendentista) incora prima de scumissiar. serti pasaji desmentegai o lassai indrio de propoxito anca in bona fede, i pol catar difidensa. mi no ghe so drento a veneto stato ma no credo el sipia sta fasie rivar a sto svilupo. saria on eror inperdonabie perdar ponti (ti lo sa anca ti ca l’itajia ne gà portà a no fidarse de la poitega e i na gà serà massa. na carta veneta bona xe coela de far el xogo verto, onesto, ciaro co sentimento).
te ringrasio de la to precixasion.