PLEBISCITO.EU | PNV. Press News Veneto

Cari amisi,

come xà antisipà da un toco, xe intension mia e de tanti amisi pareciar na nova lista civica indipendentista che se prexente ałe prosime elesion comunałi de Trevixo nel 2008.

Da on ponto de vista połitico generałe, el programa cui se rifaxemo xe queło piovegà el 18 de novenbre al Veneto-Day che se gà tegnuo al’hotel Maggior Consiglio de Trevixo e conosuo come “Łe raxon del’independensa”. Sto programa e tuta ła giornata gà vuo un gran inpato sul mondo deła połitica, in particołar proprio nel trevixan che viveva ormai da tenpo soto na atmosfera rilasada e quaxi soporifera del bongoverno leghista (anca se no tuti la pensa cusì).

Trevixo xe na sità dełicata soto molti ponti de vista.Proprio par questo se presta ben par provar a canbiar l’andamento smorto deła nostra połitica.
Crear qualcosa de significativo a Trevixo gà un inpato mediatico asicurà. Ła nostra sità no ła xe mal aministrada, o almanco questa xe ła percesion deła xente. El nostro conpito no xe donca cusì fasiłe.
Xe parò vero che ła oportunità che ghemo xe unica come momento storico.
Infati ła sfiducia deła xente xe asè granda verso tuti i połitici, nisun escluso.

Crear qualcosa de novo e połiticamente originałe come che xe na proposta come ła nostra gà un inpato poxitivo asicurà.Gò parecià un sito internet ndove vien riportai i comenti su aspeti de połitica generałe.
L’indiriso xe www.pnveneto.orgGò anca parecià na prima bosa co na serie de argomenti da sviłupar, che trovè ligada de seguito a sto articoło.

Par chi che xe d’acordo su sti ponti e crede che sipia el momento de far qualcosa de bon fin da subito par ła nostra tera, par ła nostra Trevixo e par el nostro Veneto, ve domando de difondar el mesagio a chi che ritegnè persone afidabiłi e su cui contar e, se l’idea ve piaxe, de partesipar ai nostri apuntamenti fisi.

L’apuntamento fiso xe ogni do setimane (festività a parte) a partir xà da luni prosimo 3 de disenbre al Flyer de Trevixo, visin al’aeroporto, in via Noalese, 61 (di fronte al concesionario Marazzato). Eco le indicasion pa rivar: http://www.2night.it/2night/treviso/locali/membri/7564.htmlChi che vol pol magnar un bocon, opur bevarse na bibita e tuti insieme ragionar un fià sul come vegnerghene fora da sta situasion.

L’invito xe estexo a tuti i amisi veneti che gà idee simiłi e vol dar vita a un coordinamento de liste civiche independentiste in altri comuni deła Venetia.

Prosimo apuntamento: luni 3 de dicenbre a partir dałe 9 de sera al Flyer a Trevixo.

Ve prego de darme conferma via mail (info@pnveneto.org) o via sms (348.8827427) par saver in linea de masima quanti che semo

Gianluca Busato
Web: www.pnveneto.org – E-mail: info@pnveneto.org
Tełefono: 348.8827427 – Fax: 0422.1830131

Comitato per la fondazione di un
Partito Nazionale Veneto
via Canizzano, 126/E Treviso
Web: www.pnveneto.org
E-mail: info@pnveneto.org

Allegati: CAMPAGNA ELETTORALE A TREVISO 2008 – LISTA PNV