i veneti non ci servono

Sta setimana a go leto co indiferensa i giornai che contava del sindaco de Venezia tuto rabià col segretario del partio democratego: da Roma i ga deciso che sarà Berlinguer a rapresentar i veneti in Europa.

I pol inmusarse fin ché i voe, ma fin ché i aceta le regoe del vasalagio sti qua sarà sempre i risultà anca par lori. I xe drio dimostrarse sensa spina dorsae come tuti staltri poitici veneti, dai caporai dea Lega, ai lecapiè del Pdl.

Ma i pì brai i xe sempre i democristiani. I ga incartà quatro ochi de venetisti a farghe campagna eletorae co sto speceto del 20% Irpef. In sta maniera i rivarà al 4% necesario par far elegere Emanuele Filiberto. Ah, che sodifasion pai nostri: “il principe di Venezia ci rappresenterà in Europa.”

Filipo Dal Lago
Pnv

If you liked my post, feel free to subscribe to my rss feeds