Ciaro patoco

Caro Padoan e caro Venesian,

Sabo e domenega che vien ndarè a votar par le provinsiali e ve vojo dar on consejo: co che sarè drento la cabina letoral ve catarè on sinbolo stranio, on sinbolo forte e gajardo; fermeve n’atimo e penseghe sora. Cuel sinbolo letoral l’è na novità storega soratuto par na raxon, defati el ga scrito suxo na parola ca la fa bagolar: Independensa.

Par la prima olta inte la nostra storia ghe xe on partito che ne dixe ciaro che el so obietivo l’è l’Independensa. No perdite de tenpo cofà “federalismo” o “autonomia“. Ani e ani persi drio on obietivo da pitochi in serca dele fregole ca el paron tajan ne vol conseder. Independensa la vol dir che nialtri se ciapemo in man el nostro futuro e deventemo done e omani grandi che i camina co le lore ganbe. L’è ciaro patoco che l’è ora, gavemo solo da intendarlo nialtri. El sinbolo ca vedì de fianco l’è on evento storego e sabo e domenega che vien vialtri podì scominsiar la strada par l’Independensa.

Yoshi

http://www.buraku.org/2009/06/04/ciaro-patoco/

If you liked my post, feel free to subscribe to my rss feeds