PLEBISCITO.EU | PNV. Press News Veneto

dal tg de Venesia-Mestre de Rete Veneta, 29 de novenbre 2009:

Venesia, 28 de novenbre 2009. Stupenda manifestasion par ła łengoa e l’identità veneta. Par łe całi di Venesia sfila oltre 1000 persone, che raprexentano tuta ła società veneta, dałe asociasion culturałi ała xente comun, persone de ogni età e de ogni estrasion social.
El scopo deła manifestasion el gera:

• riconosar el veneto come łengoa in parlamento, al fianco dełe 12 łengoe xà riconoscue e tutełae dal stato tałian (friulan, ladin, todesco, sloveno, ocitan, francexe, francoprovensal, albanexe, greco, sardo, catałan e croà);
• inserir rento i programi scołastici nełe scołe del Veneto l’inseniamento deła łengoa, deła cultura e deła storia veneta.

Ła nostra łengoa ła xe de tuti i veneti e ła xe l’elemento de union e de integrasion anca co chealtre culture che da naltri cata ospitałità, un patrimonio sinboło de na siviltà granda ca merita ła iusta vałorixasion.