Proprio do di prima de na inportante manifestasion indipendentista, i profesionisti de l’ansia i ga colpio ncora.Conosemo tuti la GaxetaVeneta, on sito particolare co na ventina de vixite al di, che da tri ani el piovega articoli in veneto.
Bon, ieri xe sta oscurà e co na coordinasion fenomenale xe salta’ fora articoli su La Tribuna, Il Gazzettino, Il Giornale, Giornalettismo, tuti pronti par nar in stanpa el di prima de la fiacolada de Veneto Stato a Vicensa.
Par cosa xelo sta oscurà? Sicome che’l xe sta oscurà gavemo da baxarse su cosa che i ne conta i giornali taliani, e no se trata altro che de contenuti da Novella2000.
Ma ve par posibile che par on blog de gossip, leto da na ventina de persone, in veneto fralaltro, i ga mobilità la polisia postale par oscurar el sito (da l’estero se pol ncora lexar el sito parò), e i ga mobilità mexa stanpa, scomodando procuratori che ghe toca far afermasion ai giornalisti che el contenuto no xe vero?
A mi me par alucinante che de paca i decida tuti de parlarghene. L’unica spiegasion che poso darme de na asion cusì coordinà, xe de voler crear presion mediatega de ansia par el mondo veneto che se presta a nar in piasa.
Toxi, ghe xe ncora xente co l’acoa fin ai xenoci, e sti chi no i xe boni de far altro che parlar de escort, vere o inventà che sia?
No stemo cascarghe e ricordemose che el stato talian ne ciucia via 4000 euro a testa ogni ano, e che naltri veneti no femo elemoxina, spece pai schei che i ne ga xa ciavà. Cueste xe i temi seri su cui concentrarse, no stemo farse distrar dai maestri dele tre carte. Doman gavemo da nar tuti serenamente in piasa par on VENETO STATO INDIPENDENTE.
Filipo Dal Lago
Press News Veneto – Vicensa
If you liked my post, feel free to subscribe to my rss feeds
Firma per il VENETO INDIPENDENTE!
I 120 Dogi della Serenissima Repubblica di Venezia
Iutane, fa na picola donasion!
Veneto è chi il Veneto fa
il pnv su facebook
twitter
Scottish National Party, SNP
BlogoSquare
Gò provà nol xè oscurà.
Non sapevo nulla.
Questi attaccano Zaia :
http://www.gaxetaveneta.com/2010/11/luca-zaia-della-lega-nord-e-il-giro-di-escort/
Questi lo difendono
http://www.ilpiave.it/modules.php?name=News&file=article&sid=7552
Due punti di vista opposti direi.
Dove finisce il diritto di critica e dove comincia la diffamazione ? E se la gazzetta non fa altro che riportare la dichiarazione della Macrì è questa diffamazione ?
Non credo.
coalsiasi cosa sipia, fin coando no se sà xe mejio taxer.
mi lo go dito pì volte el me parer so xaia, ma da coa a darghelo en pasto a l’itajia par probabili manipolasion par metar leame so i movimenti veneti, no lo aseto.
xaia el xe senpre on veneto e no el pol essar usà contra de nialtri.
vojio fantasticar:
si la lega, e forsi no solo coela, la se gà inascorto ca in veneto semo drio tirarse fora, vustu vedar ca i xe boni de sacrificar on de lori par farghe canbiar idea e tegner soto coei veneti pericoloxi? (per lori).
da l’itajia me speto coesto e anca de pì.
on veneto anca si delincoente xe senpre on veneto, la giustisia so de lu la gà da essar solo el “dirito venesian”.
CREDO CHE SIA L’INIZIO DE UN PERIODO OSCURANTISTA STUDIA’ DA ZAIA E COMPARI DEA CRICCA ITALIANA.