La Venetia nei G20

Co Venetia se se riferìse ała parte dei teritori deła storica Republica Veneta ke ancò se cata rento el stato taliàn. Parlémo de Regione Veneto (4.8 milioni de abitanti), Regione Friuli-V.G. (1.2 milioni de abitanti), Provincia de Bresa (1.2 milioni de abitanti), Provincia de Bergamo (1 milion de abitanti), ma anca Rovereto (TN) e Crema (CR).

La Venetia nei G20

La Venetia nei G20

Parlemo come minimo de pì de 8 milioni de abitanti. Co ke rivarémo a far on referendum par l’indipendensa soto monitoragio internasional, sarà oportuno darghe ła stesa posibiłità anca a trentini, tirołexi (se ì vołe), ałe province a Sud de Bergamo-Bresa (e cioè, Cremona e Mantova) e ła provincia a Nord de Bergamo-Bresa (ke sarìa Sondrio). Co tuto el Triveneto e ła Lonbardia orientałe (a Est del fiume Adda), ła Venetia ła gavaria na popołasion masima de 10 milioni abondanti.

Co ste dimension sarìsimo l’otava nasion pì granda de l’Union Europea, dopo Germania (80 milion), Francia (60 milion), Gran Bretagna (60 milion), Italia (49 milion – eh sì ciò, cavàndoghene diexe…), Spagna (45 milion), Polonia (39 milion), Romania (22milion), e Olanda (16 milion).

Gavarìsimo ła stesa popołasion de Grecia, Belgio, Republica Ceca, Portogało, e Ongaria. Sarìsimo pì grandi de Svesia, Austria, Bulgaria, Svisera, Slovakia, Danimarca, Finlandia, Norvegia, Croasia, Irlanda… e tuti staltri stati picenini tipo Slovenia, Estonia, e Lusenburgo.

Come popołasion ła Venetia ła sarìa fra i stati pì grandi d’Europa, ma come economia sarìsimo fra i stati pì riki del mondo. Al momento gavémo dal 27% al 29% del prodoto interno lordo (Pil) taliàn, a seconda se contemo o no Sondrio, Bozen, Trento, Cremona e Mantova. On sesto deła popołasion del stato talian, un terso de l’atuałe produsion taliana.

Ła Venetia indipendente ła sarìa in automadego rento i G20, el club dełe venti economie pì grande al mondo. Par ła precixion, co presapoco $800 miliardi de faturato sarìsimo ła n.17, pì vanti de Svesia, Svisera, Norvegia, Austria, Belgio, Arabia Saudita, Indonexia, Turkia, Polonia.

L’Italia sensa de naltri dała setima poxision ła ndarìa xo al n.12, soto Spagna, Rusia, Braxiłe, e Canada. Ma ła clasifica dei G20 no xe inportante (difati ła UE ghe manda on raprexentante par tuti). L’inportante xe ke co l’indipendensa, semo tuti pì riki, gavémo tuti pì skei, da l’operaio dixocupà al parón in fałimento.

In sto momento de crixi gavémo bixogno de córar lìbari, da sołi. De indipendensa ghe xe necesità, e no se pol far de manco.

Lodovico Pizzati
PNV

written by

The author didn‘t add any Information to his profile yet.
Related Posts